തിരുവനന്തപുരം: അരുവിക്കര മുണ്ടേലയില് ഊഞ്ഞാലില് കുടുങ്ങി യുവാവ് മരിച്ചു. മുണ്ടേല-മാവുകോണം-തടത്തരിക്കത്ത് പുത്തന് വീട്ടില് അഭിലാഷാ(സിന്ധു കുമാര്-27)ണ് മരിച്ചത്. ഊഞ്ഞാലില് ഇരുന്ന് കറങ്ങവെ കഴുത്തില് കയര് കുരുങ്ങി മരിച്ചെന്നാണ് പോലീസിന്റെ പ്രാഥമിക നിഗമനം.
കേരള വിഷന് ഹരിശ്രീ കേബിള് ടിവി ജീവനക്കാരനായിരുന്നു അഭിലാഷ്. ഇന്ന് വെളുപ്പിന് നാലിനാണ് വീട്ടുകാര് സിന്ധുകുമാറിനെ മരിച്ചനിലയില് കാണുന്നത്.
ഇന്നലെ രാത്രി 11ന് ഊഞ്ഞാലില് ഇരുന്ന് ഫോണ് വിളിക്കുന്നത് വീട്ടുകാര് കണ്ടിരുന്നു. സിന്ധുകുമാര് അപ്പോള് മദ്യപിച്ചിരുന്നു. വീട്ടില് സഹോദരിയും കുട്ടികളും മാത്രമാണുണ്ടായിരുന്നത്.
സംഭവത്തില് അരുവിക്കര പോലീസ് കേസ് എടുത്ത് അന്വേഷണം ആരംഭിച്ചു. മരണത്തില് ദുരൂഹതയുണ്ടോയെന്നും പരിശോധിക്കും.