കുട്ടികളിലെ അമിതവണ്ണം നിയന്ത്രിക്കാം

കുട്ടികളിലെ അമിതവണ്ണം എന്നത് കുട്ടികള്‍ക്ക് അവരുടെ പ്രായത്തിനും ലിംഗഭേദത്തിനും അനുസരിച്ചുള്ള സാധാരണ തൂക്കത്തേക്കാള്‍ കൂടുതല്‍ ഭാരം ഉണ്ടാകുന്ന അവസ്ഥയാണ്. 

ഉയര്‍ന്ന കലോറിയും കൊഴുപ്പും അടങ്ങിയ ഫാസ്റ്റ് ഫുഡുകള്‍, മധുരമുള്ള പാനീയങ്ങള്‍, ചിപ്സുകള്‍ തുടങ്ങിയവ കഴിക്കുന്നത്. ടിവി കാണുക, മൊബൈല്‍ ഉപയോഗിക്കുക തുടങ്ങിയ കാര്യങ്ങളില്‍ കൂടുതല്‍ സമയം ചെലവഴിക്കുകയും കളിക്കാനോ വ്യായാമം ചെയ്യാനോ സമയം കണ്ടെത്താതെ വരികയും ചെയ്യുന്നത്.

കുടുംബത്തില്‍ അമിതവണ്ണമുള്ളവരുടെ ചരിത്രം ഉണ്ടാകുന്നത്. സമ്മര്‍ദ്ദം, വിരസത എന്നിവ കാരണം ഭക്ഷണം കൂടുതലായി കഴിക്കുന്നത്. ആരോഗ്യകരമായ ഭക്ഷണങ്ങള്‍ക്കും വ്യായാമ സൗകര്യങ്ങള്‍ക്കും ലഭിക്കാനുള്ള പരിമിതമായ സാധ്യതകള്‍.

പഴങ്ങള്‍, പച്ചക്കറികള്‍, ധാന്യങ്ങള്‍ എന്നിവ കുട്ടികള്‍ക്ക് നല്‍കുക. മധുരപാനീയങ്ങള്‍ ഒഴിവാക്കുക. ഫാസ്റ്റ് ഫുഡ്, ജങ്ക് ഫുഡ് എന്നിവയുടെ ഉപയോഗം നിയന്ത്രിക്കുക. ഭക്ഷണത്തിന്റെ അളവ് കൃത്യമായി നിശ്ചയിക്കുക. കുട്ടികളെ ദിവസവും കളിക്കാനും വ്യായാമം ചെയ്യാനും പ്രോത്സാഹിപ്പിക്കുക. ടിവി, മൊബൈല്‍ എന്നിവയുടെ ഉപയോഗം നിയന്ത്രിക്കുക.

കുട്ടികള്‍ക്ക് ആവശ്യത്തിന് ഉറക്കം ലഭിക്കുന്നുണ്ടെന്ന് ഉറപ്പുവരുത്തുക. കുട്ടികളുടെ ഭക്ഷണരീതികളെക്കുറിച്ച് ബോധവാന്മാരായിരിക്കുക, ആരോഗ്യകരമായ ശീലങ്ങള്‍ അവര്‍ക്ക് പകര്‍ന്നു നല്‍കുക.