/sathyam/media/media_files/kVeZ3Hx6chhlxPXE1jab.jpg)
കൊല്ലം: കരുനാഗപ്പള്ളിയില് കെ.എസ്.ഇ.ബിയുടെ അലുമിനിയം കമ്പി മോഷ്ടിച്ച മൂന്നുപേര് പിടിയിലായി. മൈനാഗപ്പള്ളി, പവിത്രം വീട്ടില് പത്മകുമാര് (42), മൈനാഗപ്പള്ളി കുറ്റി അടക്കതില് സലീം (43), ശാസ്താംകോട്ട, തയ്യ് വിള കിഴക്കതില് മുഹമ്മദ് ഷാഫി (40) എന്നിവരാണ് കരുനാഗപ്പള്ളി പിടിയിലായത്.
15,000 രൂപ വില വരുന്ന കമ്പിയാണ് മോഷ്ടിച്ചത്. ഇലക്ട്രിക് ലൈനുകളുടെ അറ്റകുറ്റപ്പണികള്ക്കായി കെ.എസ്.ഇ.ബി. ജീവനക്കാര് കൊണ്ടുവന്നതായിരുന്നു രണ്ട് റോള് അലൂമിനിയം കമ്പികള്.
ഇവ താത്കാലികമായി സൂക്ഷിച്ചിരുന്ന സ്ഥലത്തു നിന്നാണ് മോഷ്ടിച്ചത്. കഴിഞ്ഞ തിങ്കളാഴ്ച വൈകിട്ട് പ്രതികളായ പത്മകുമാറും സലീമും ചേര്ന്ന് 15,000 രൂപയോളം വില വരുന്ന ഒരു റോള് അലൂമിനിയം കമ്പി മോഷ്ടിക്കുകയായിരുന്നു. ഇത് ശാസ്താംകോട്ട സ്വദേശിയായ മുഹമ്മദ് ഷാഫിക്കാണ് വിറ്റു. കെ.എസ്.ഇ.ബി. ഉദ്യോഗസ്ഥരുടെ പരാതിയില് അന്വേഷണം നടത്തിയ കരുനാഗപ്പള്ളി പോലീസ് പ്രതികളെ പിടികൂടുകയായിരുന്നു.
/sathyam/media/agency_attachments/5VspLzgrB7PML1PH6Ix6.png)
Follow Us