പ്രമേഹരോഗികള്‍ക്ക് ബദാം

നിരവധി ആരോഗ്യ ഗുണങ്ങളുള്ള ഒരു പരിപ്പുവര്‍ഗമാണ് ബദാം. കുതിര്‍ത്ത ബദാം കഴിക്കുന്നത് ദഹനം മെച്ചപ്പെടുത്താനും ശരീരഭാരം നിയന്ത്രിക്കാനും രക്തത്തിലെ പഞ്ചസാരയുടെ അളവ് നിയന്ത്രിക്കാനും സഹായിക്കുന്നു. കൂടാതെ, ബദാം ചര്‍മ്മത്തിനും തലമുടിക്കും വളരെ നല്ലതാണ്.

ബദാം പ്രമേഹരോഗികള്‍ക്ക് വളരെ നല്ലതാണ്. ഇതിന് കുറഞ്ഞ ഗ്ലൈസെമിക് സൂചികയാണുള്ളത്, അതിനാല്‍ രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കുന്നു. 

ബദാമില്‍ അടങ്ങിയിട്ടുള്ള ആരോഗ്യകരമായ കൊഴുപ്പുകള്‍ ഹൃദയത്തിന് വളരെ നല്ലതാണ്. ഇത് ചീത്ത കൊളസ്‌ട്രോളിന്റെ അളവ് കുറയ്ക്കുകയും നല്ല കൊളസ്‌ട്രോളിന്റെ അളവ് കൂട്ടുകയും ചെയ്യുന്നു. 

ബദാമില്‍ വിറ്റാമിന്‍ ഇ ധാരാളമായി അടങ്ങിയിട്ടുണ്ട്. ഇത് ചര്‍മ്മത്തിന് തിളക്കം നല്‍കാനും പ്രായമാകുന്നതിന്റെ ലക്ഷണങ്ങളെ തടയാനും സഹായിക്കുന്നു.