മുടിക്ക് ബലവും തിളക്കവും നല്‍കാന്‍ ഇരട്ടിമധുരം

ഇരട്ടിമധുരം ശരീരത്തിന്റെ പ്രതിരോധ സംവിധാനത്തെ ശക്തിപ്പെടുത്തുന്നതിനും വീക്കം കുറയ്ക്കുന്നതിനും സഹായിക്കുന്ന ആന്റിഓക്സിഡന്റുകള്‍ ധാരാളമുള്ള ഒരു ഔഷധമാണ്. 

തൊണ്ടവേദന, ചുമ, ജലദോഷം എന്നിവയില്‍ നിന്ന് ആശ്വാസം നല്‍കാന്‍ സഹായിക്കുന്നു. കഫം അയവുള്ളതാക്കാനും എളുപ്പത്തില്‍ പുറന്തള്ളാനും ഇത് സഹായിക്കുന്നു. ദഹനത്തെ മെച്ചപ്പെടുത്താനും അസിഡിറ്റി പോലുള്ള പ്രശ്‌നങ്ങള്‍ ശമിപ്പിക്കാനും ഇരട്ടിമധുരത്തില്‍ അടങ്ങിയ ഗ്ലൈസിറൈസിന്‍ സഹായിക്കുന്നു. 

ഗ്രാമ്പൂ ചായയുമായി ചേര്‍ത്ത് കഴിക്കുന്നത് പ്രതിരോധശേഷി വര്‍ദ്ധിപ്പിക്കാനും പ്രമേഹം, കൊളസ്‌ട്രോള്‍ തുടങ്ങിയ ആരോഗ്യപ്രശ്‌നങ്ങളെ പ്രതിരോധിക്കാനും സഹായിക്കുമെന്ന് പഠനങ്ങള്‍ സൂചിപ്പിക്കുന്നു. വിശപ്പ് നിയന്ത്രിക്കാനും ശരീരഭാരം കുറയ്ക്കാനും ഇത് സഹായിക്കും. 

തലച്ചോറിന്റെ കഴിവുകള്‍ മെച്ചപ്പെടുത്താനും ഓര്‍മ്മശക്തി വര്‍ദ്ധിപ്പിക്കാനും ഇരട്ടിമധുരം സഹായിക്കും. മുഖക്കുരു, എക്‌സിമ, ഇരുണ്ട പാടുകള്‍, കരുവാളിപ്പ് എന്നിവ കുറയ്ക്കാന്‍ സഹായിക്കുന്നു. ഇത് ചര്‍മ്മത്തിന്റെ ആരോഗ്യം മെച്ചപ്പെടുത്തുകയും തിളക്കം നല്‍കുകയും ചെയ്യും.

മുടി കൊഴിച്ചില്‍, താരന്‍, മുടിയുടെ അറ്റങ്ങള്‍ പിളരുന്നത് എന്നിവയ്ക്ക് ഇത് പരിഹാരമാണ്. മുടിയുടെ വളര്‍ച്ച വര്‍ദ്ധിപ്പിക്കാനും മുടിക്ക് ബലവും തിളക്കവും നല്‍കാനും ഇത് സഹായിക്കും.