വായ്‌നാറ്റം മാറുന്നില്ലേ...?

വായ്‌നാറ്റത്തിന് പല കാരണങ്ങളുണ്ടാകാം. ശരിയായ രീതിയില്‍ പല്ല് തേക്കാതിരിക്കുക, ഫ്‌ലോസ് ചെയ്യാതിരിക്കുക, നാവ് വൃത്തിയാക്കാതിരിക്കുക എന്നിവ ബാക്ടീരിയകള്‍ വളരാന്‍ കാരണമാകുന്നു, ഇത് വായ്‌നാറ്റത്തിന് ഇടയാക്കുന്നു. 

ഉള്ളി, വെളുത്തുള്ളി പോലുള്ള ചില ഭക്ഷണങ്ങള്‍ കഴിച്ചാല്‍ താല്‍ക്കാലികമായി വായ്‌നാറ്റം ഉണ്ടാവാം. ഉമിനീര്‍ വായ നനവുള്ളതാക്കുകയും ബാക്ടീരിയകളെ അകറ്റുകയും ചെയ്യുന്നു. ഉമിനീര്‍ കുറഞ്ഞാല്‍, ബാക്ടീരിയകള്‍ വളര്‍ന്ന് വായ്‌നാറ്റത്തിന് കാരണമാകും. 

പുകവലി വായ്‌നാറ്റത്തിന് ഒരു പ്രധാന കാരണമാണ്. ശ്വാസകോശ സംബന്ധമായ അണുബാധകള്‍, പ്രമേഹം, കരള്‍, വൃക്ക സംബന്ധമായ പ്രശ്‌നങ്ങള്‍, ദഹന പ്രശ്‌നങ്ങള്‍ എന്നിവയെല്ലാം വായ്‌നാറ്റത്തിന് കാരണമാകും. മോണയില്‍ ഉണ്ടാകുന്ന അണുബാധയും വീക്കവും വായ്‌നാറ്റത്തിന് കാരണമാകും. പല്ലില്‍ പൊട്ടലുകള്‍, പഴുപ്പ്, ശരിയായ രീതിയില്‍ ഘടിപ്പിക്കാത്ത കൃത്രിമ പല്ലുകള്‍ എന്നിവയും വായ്‌നാറ്റത്തിന് കാരണമാകും. 

ചില മരുന്നുകള്‍ ഉമിനീരിന്റെ ഒഴുക്ക് കുറയ്ക്കുന്നതിലൂടെ വായ്‌നാറ്റത്തിന് കാരണമാകും. ദഹനക്കേട്, കുടല്‍ സംബന്ധമായ പ്രശ്‌നങ്ങള്‍ എന്നിവയും വായ്‌നാറ്റത്തിന് കാരണമാകും.