താഴ്ന്നുകിടന്ന വൈദ്യുതി കേബിള്‍ കഴുത്തില്‍ കുടുങ്ങി; ബൈക്ക് നിയന്ത്രണംവിട്ട് മറിഞ്ഞ് രണ്ടുപേര്‍ക്ക് ഗുരുതര പരിക്ക്

പാലക്കാട്: വൈദ്യുതി കേബിള്‍ കഴുത്തില്‍ കുടുങ്ങിയതിനെത്തുടര്‍ന്ന് ബൈക്ക് നിയന്ത്രണംവിട്ട് മറിഞ്ഞുണ്ടായ അപകടത്തില്‍ രണ്ട് പേര്‍ക്ക് പരിക്ക്.

പാലക്കാട് കുളപ്പുള്ളി കാതുവീട്ടില്‍ മദന്‍ മോഹന്‍ (56), മകന്‍ അനന്തു (27) എന്നിവര്‍ക്കാണ് പരിക്കേറ്റത്. മദന്‍ മോഹന് കഴുത്തിനും വാരിയെല്ലിനും ഗുരുതര പരിക്കേറ്റു. അനന്തുവിന് കൈക്കും കാലിനും പരിക്കേറ്റു. ഇരുവരെയും വാണിയംകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു.

ഷൊര്‍ണൂര്‍ കുളപ്പുള്ളി യു.പി. സ്‌കൂളിന് സമീപം ഇന്ന് പുലര്‍ച്ചെ 5.15 നാണ് സംഭവം. ഷൊര്‍ണൂര്‍ റെയില്‍വേ സ്റ്റേഷനില്‍ നിന്ന് മകനെയും കൂട്ടി വീട്ടിലേക്ക് വരുന്നതിനിടെ താഴ്ന്നുകിടക്കുന്ന കേബിള്‍ മദന്‍ മോഹന്റെ കഴുത്തില്‍ കുടുങ്ങുകയും ബൈക്ക് നിയന്ത്രണംവിട്ട് മറിയുകയായിരുന്നു.