ബോധക്ഷയത്തിന് പല കാരണങ്ങള്‍

ബോധക്ഷയത്തിന് പല കാരണങ്ങളുണ്ടാകാം. 

സാധാരണയായി കാണപ്പെടുന്ന ബോധക്ഷയത്തിനുള്ള കാരണമാണ് വ്യാകുലത. നാഡീവ്യവസ്ഥയിലെ പ്രശ്‌നങ്ങള്‍ കാരണം രക്തസമ്മര്‍ദ്ദവും ഹൃദയമിടിപ്പും കുറയുന്നതാണ് ഇതിന് കാരണം. സമ്മര്‍ദ്ദം, വേദന, ദീര്‍ഘനേരം നില്‍ക്കുക തുടങ്ങിയ കാര്യങ്ങള്‍ ഇതിലേക്ക് നയിച്ചേക്കാം. 

ഹൃദയമിടിപ്പ് ക്രമമല്ലാതാവുക, ഹൃദയ വാല്‍വിന് തകരാറുകള്‍ സംഭവിക്കുക, ഹൃദയപേശികള്‍ക്ക് രോഗങ്ങള്‍ വരിക തുടങ്ങിയ ഹൃദയസംബന്ധമായ പ്രശ്‌നങ്ങള്‍ തലച്ചോറിലേക്കുള്ള രക്തയോട്ടം കുറച്ച് ബോധക്ഷയത്തിന് കാരണമാകാം.

പ്രമേഹമുള്ളവരിലോ ഭക്ഷണം കഴിക്കാതെയിരിക്കുന്നവരിലോ രക്തത്തിലെ പഞ്ചസാരയുടെ അളവ് കുറയുന്നത് ബോധക്ഷയത്തിന് കാരണമാകും. ശരീരത്തില്‍ ആവശ്യത്തിന് ജലാംശം ഇല്ലാത്ത അവസ്ഥയില്‍ രക്തസമ്മര്‍ദ്ദം കുറയുകയും ബോധക്ഷയമുണ്ടാകുകയും ചെയ്യും. 

രക്തസമ്മര്‍ദ്ദത്തിനുള്ള മരുന്നുകള്‍, ആന്റിഡിപ്രസന്റുകള്‍, മൂത്ര സംബന്ധമായ മരുന്നുകള്‍ എന്നിവ രക്തസമ്മര്‍ദ്ദം കുറയ്ക്കുകയും ബോധക്ഷയത്തിന് കാരണമാകുകയും ചെയ്യും. കഴുത്തിലെ കരോട്ടിഡ് ധമനിയില്‍ എന്തെങ്കിലും സമ്മര്‍ദ്ദമുണ്ടാകുമ്പോള്‍ ബോധക്ഷയമുണ്ടാകാം. ഇറുകിയ കോളര്‍ ധരിക്കുക, കഴുത്ത് അമിതമായി തിരിക്കുകയോ നീട്ടുകയോ ചെയ്യുക എന്നിവ ഇതിന് കാരണമാകാം. 

ചുമയ്ക്കുമ്പോള്‍, മലം ഒഴിക്കുമ്പോള്‍, മൂത്രമൊഴിക്കുമ്പോള്‍ നെഞ്ചില്‍ സമ്മര്‍ദ്ദമുണ്ടാകുന്നത് ബോധക്ഷയത്തിന് കാരണമാകാറുണ്ട്. ചുവന്ന രക്താണുക്കളുടെ കുറവ് ഓക്‌സിജന്റെ അളവ് കുറയ്ക്കുന്നതിലൂടെ ബോധക്ഷയത്തിന് ഇടയാക്കും. 
ബോധക്ഷയം ഗുരുതരമായ ഒരു അവസ്ഥയുടെ സൂചനയാകാം, അതിനാല്‍ വൈദ്യസഹായം തേടേണ്ടത് അത്യാവശ്യമാണ്.