ഹൃദ്രോഗ സാധ്യത കുറയ്ക്കാന്‍ മുന്തിരി വൈന്‍

മുന്തിരി വൈന്‍, പ്രത്യേകിച്ച് റെഡ് വൈന്‍, ഹൃദയാരോഗ്യത്തിന് നല്ലതാണ്. ഇതില്‍ അടങ്ങിയിട്ടുള്ള ആന്റിഓക്‌സിഡന്റുകള്‍ രക്തക്കുഴലുകളില്‍ ഫലകങ്ങള്‍ അടിഞ്ഞുകൂടുന്നത് തടയുകയും ഹൃദ്രോഗ സാധ്യത കുറയ്ക്കുകയും ചെയ്യുന്നു. 

മിതമായ അളവില്‍ മുന്തിരി വൈന്‍ കഴിക്കുന്നത് മറവിരോഗം, ഡിമെന്‍ഷ്യ പോലുള്ള അവസ്ഥകളുടെ സാധ്യത കുറയ്ക്കുമെന്നും ചില പഠനങ്ങള്‍ പറയുന്നു. ചിലതരം അര്‍ബുദങ്ങളെ തടയാന്‍ വൈനിന് കഴിവുണ്ടെന്ന് പഠനങ്ങള്‍ സൂചിപ്പിക്കുന്നു. പ്രത്യേകിച്ച് അന്നനാളം, ആമാശയം, ശ്വാസകോശം തുടങ്ങിയ ഭാഗങ്ങളിലെ അര്‍ബുദങ്ങളെ തടയാന്‍ സഹായിക്കും.

മുന്തിരി വൈനില്‍ ധാരാളം ആന്റിഓക്സിഡന്റുകള്‍ അടങ്ങിയിട്ടുണ്ട്. ഇത് ശരീരത്തിലെ ഫ്രീ റാഡിക്കലുകളെ ചെറുക്കാന്‍ സഹായിക്കുകയും കോശങ്ങളെ സംരക്ഷിക്കുകയും ചെയ്യുന്നു. പ്രോആന്തോസയാനിഡിന്‍സ്, റെസ്വെറാട്രോള്‍ പോലുള്ള സംയുക്തങ്ങള്‍ അടങ്ങിയതിനാല്‍ ശരീരത്തിലെ ഓക്‌സിഡേറ്റീവ് സമ്മര്‍ദ്ദം കുറയ്ക്കുകയും ചില രോഗങ്ങളെ തടയുകയും ചെയ്യുന്നു.