എല്ലുകളുടെയും പല്ലുകളുടെയും ആരോഗ്യത്തിന് ചക്കരക്കിഴങ്ങ്

ചക്കരക്കിഴങ്ങ് നാരുകളാല്‍ സമ്പന്നമായതിനാല്‍ കുടലിന്റെ ആരോഗ്യം വര്‍ദ്ധിപ്പിക്കാനും മലബന്ധം പോലുള്ള പ്രശ്‌നങ്ങള്‍ കുറയ്ക്കാനും സഹായിക്കുന്നു. വിറ്റാമിന്‍ സി ധാരാളം അടങ്ങിയിട്ടുള്ളതിനാല്‍ ശരീരത്തിന്റെ പ്രതിരോധശക്തി കൂട്ടുന്നു.

ചക്കരക്കിഴങ്ങ് വിറ്റാമിന്‍ എ യുടെ ഒരു മികച്ച ഉറവിടമാണ്. ഇത് കണ്ണിന്റെ ആരോഗ്യത്തിന് പ്രധാനമാണ്. കോശങ്ങളെ കേടുപാടുകളില്‍ നിന്ന് സംരക്ഷിക്കുകയും ചിലതരം കാന്‍സറുകളില്‍ നിന്ന് സംരക്ഷിക്കാന്‍ സഹായിക്കുകയും ചെയ്യുന്നു.

കലോറി കുറവായതിനാലും നാരുകളാല്‍ സമ്പന്നമായതിനാലും ശരീരഭാരം നിയന്ത്രിക്കാന്‍ സഹായിക്കും. പ്രമേഹ രോഗികള്‍ക്ക് കഴിക്കാവുന്നതും രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കുന്നതുമായ ഒരു ഭക്ഷണമാണ് ചക്കരക്കിഴങ്ങ്. വിറ്റാമിന്‍ ബി6 ഹൃദയാഘാത സാധ്യത കുറയ്ക്കാന്‍ സഹായിക്കും. എല്ലുകളുടെയും പല്ലുകളുടെയും ആരോഗ്യത്തിന് ആവശ്യമായ ധാതുക്കള്‍ ഇതിലുണ്ട്.