ഹൃദയാഘാതം തിരിച്ചറിയാം...

ഹൃദയാഘാതം തിരിച്ചറിയാന്‍ സഹായിക്കുന്ന ചില പ്രധാന ലക്ഷണങ്ങള്‍ ഏതൊക്കെയെന്ന് നോക്കാം.

നെഞ്ചുവേദന: ഇത് ഹൃദയാഘാതത്തിന്റെ ഏറ്റവും സാധാരണമായ ലക്ഷണമാണ്. നെഞ്ചില്‍ അമര്‍ത്തുന്നതുപോലെയോ, ഞെരുക്കുന്നതുപോലെയോ അല്ലെങ്കില്‍ ഭാരമുള്ള എന്തോ വച്ചിരിക്കുന്നതുപോലെ തോന്നാം. 

ശ്വാസതടസം: ശ്വാസമെടുക്കാന്‍ ബുദ്ധിമുട്ട് അനുഭവപ്പെടുകയോ അല്ലെങ്കില്‍ ആഴത്തില്‍ ശ്വാസമെടുക്കാന്‍ കഴിയാതെ വരികയോ ചെയ്യാം.
 
തണുത്ത വിയര്‍പ്പ്: പെട്ടെന്ന് വിയര്‍ക്കുകയും ശരീരം തണുക്കുകയും ചെയ്യാം. 

തലകറങ്ങുക: തലകറങ്ങുന്നതുപോലെ തോന്നുകയോ അല്ലെങ്കില്‍ ബോധം കെട്ടുപോകുന്ന അവസ്ഥയിലേക്ക് എത്തുകയോ ചെയ്യാം. 

ഓക്കാനം, നെഞ്ചെരിച്ചില്‍: ഓക്കാനം, നെഞ്ചെരിച്ചില്‍ പോലുള്ള ദഹന സംബന്ധമായ പ്രശ്‌നങ്ങളും അനുഭവപ്പെടാം. 

ഈ ലക്ഷണങ്ങള്‍ അവഗണിക്കാതെ ഉടന്‍ തന്നെ വൈദ്യസഹായം തേടേണ്ടത് അത്യാവശ്യമാണ്.