ഹൃദയാരോഗ്യത്തിനും കണ്ണുകളുടെ സംരക്ഷണത്തിനും പുഴുങ്ങിയ മധുരക്കിഴങ്ങ്

പുഴുങ്ങിയ മധുരക്കിഴങ്ങിന് ദഹനം മെച്ചപ്പെടുത്താനും പ്രതിരോധശേഷി വര്‍ദ്ധിപ്പിക്കാനും സഹായിക്കുന്ന ധാരാളം ഗുണങ്ങളുണ്ട്. വിറ്റാമിന്‍ എ, സി, ബി6, പൊട്ടാസ്യം, സിങ്ക്, നാരുകള്‍, ആന്റിഓക്‌സിഡന്റുകള്‍ എന്നിവയുടെ ഒരു മികച്ച ഉറവിടമാണിത്, ഇത് ശരീരഭാരം നിയന്ത്രിക്കാനും ഹൃദയാരോഗ്യത്തിനും കണ്ണുകളുടെ സംരക്ഷണത്തിനും സഹായിക്കുന്നു.  

മധുരക്കിഴങ്ങില്‍ അടങ്ങിയിരിക്കുന്ന നാരുകള്‍ ദഹനസംവിധാനം മെച്ചപ്പെടുത്താനും മലബന്ധം പോലുള്ള പ്രശ്‌നങ്ങള്‍ പരിഹരിക്കാനും സഹായിക്കുന്നു. വിറ്റാമിന്‍ സി, ബി6 എന്നിവ അടങ്ങിയിരിക്കുന്നതിനാല്‍ ശരീരത്തിന്റെ പ്രതിരോധശേഷി വര്‍ദ്ധിപ്പിക്കാന്‍ ഇത് സഹായിക്കുന്നു. 

കലോറി കുറഞ്ഞതും നാരുകളും പ്രോട്ടീനും ധാരാളമുള്ളതുമായതിനാല്‍ ശരീരഭാരം കുറയ്ക്കാന്‍ ശ്രമിക്കുന്നവര്‍ക്ക് ഇത് മികച്ച ഒരു ഭക്ഷണമാണ്. ഹൃദയാഘാത സാധ്യത കുറയ്ക്കാന്‍ സഹായിക്കുന്ന പൊട്ടാസ്യം ഇതില്‍ ധാരാളമായി അടങ്ങിയിരിക്കുന്നു, ഇത് രക്തസമ്മര്‍ദ്ദം നിയന്ത്രിക്കാനും സഹായിക്കും. 

ബീറ്റാ കരോട്ടിന്‍ ധാരാളം അടങ്ങിയ മധുരക്കിഴങ്ങ് വിറ്റാമിന്‍ എ ആയി മാറുന്നു, ഇത് കണ്ണിന്റെ കാഴ്ച മെച്ചപ്പെടുത്താനും രാത്രി കാഴ്ചശക്തി നല്‍കാനും സഹായിക്കുന്നു. ബീറ്റാ കരോട്ടിന്‍, വിറ്റാമിന്‍ സി എന്നിവ അടങ്ങിയിരിക്കുന്നതിനാല്‍ ചര്‍മ്മത്തിന്റെ ആരോഗ്യം മെച്ചപ്പെടുത്താനും ചുളിവുകള്‍ അകറ്റാനും ഇത് സഹായിക്കും. 

ഗ്ലൈസെമിക് സൂചിക കുറവായതും നാരുകള്‍ ധാരാളമുള്ളതുമായതിനാല്‍ രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കും, ഇത് പ്രമേഹമുള്ളവര്‍ക്കും കഴിക്കാം. തലച്ചോറിന്റെ പ്രവര്‍ത്തനങ്ങള്‍ മെച്ചപ്പെടുത്തുന്ന ആന്റിഓക്‌സിഡന്റുകള്‍ ഇതില്‍ അടങ്ങിയിട്ടുണ്ട്.