വയറ്റിലെ എരിച്ചില്‍ പരിഹരിക്കാം

വയറ്റിലെ എരിച്ചില്‍ (നെഞ്ചെരിച്ചില്‍) സാധാരണയായി ഭക്ഷണം ക്രമീകരിക്കുന്നതിലൂടെയും ജീവിതശൈലി മാറ്റങ്ങള്‍ വരുത്തുന്നതിലൂടെയും പരിഹരിക്കാന്‍ കഴിയും. അമിതമായി എരിവുള്ള ഭക്ഷണം, കൊഴുപ്പുള്ള വിഭവങ്ങള്‍, മദ്യം, കാര്‍ബണേറ്റഡ് ഡ്രിങ്കുകള്‍, ചായം ചേര്‍ത്ത ഭക്ഷണങ്ങള്‍ എന്നിവ ഒഴിവാക്കണം. കൂടാതെ, ഭക്ഷണം കൃത്യസമയത്ത് കഴിക്കുക, ചെറിയ അളവില്‍ കഴിക്കുക, രാത്രി വൈകിയുള്ള ഭക്ഷണം ഒഴിവാക്കുക, ഭക്ഷണം കഴിച്ചയുടന്‍ കിടക്കാതിരിക്കുക തുടങ്ങിയ കാര്യങ്ങള്‍ ശ്രദ്ധിക്കണം. 

ഒഴിവാക്കേണ്ട ഭക്ഷണങ്ങളും പാനീയങ്ങളും:
ശീതളപാനീയങ്ങള്‍, അച്ചാറുകള്‍, മുളകുകറികള്‍
ചോക്ലേറ്റ്, കൊഴുപ്പുള്ള ഭക്ഷണം, കേക്ക്, ക്രീം എന്നിവ
അമിത ചൂടും തണുപ്പും ഉള്ള ഭക്ഷണങ്ങള്‍
അജിനോമോട്ടോ ചേര്‍ത്ത ചൈനീസ് വിഭവങ്ങള്‍, സംസ്‌കരിച്ച ഭക്ഷണങ്ങള്‍
കുരുമുളക്, മസാലകള്‍, വിനാഗിരി ചേര്‍ത്ത വിഭവങ്ങള്‍ 

പ്രധാന ഭക്ഷണത്തിന് പകരം ദിവസവും അഞ്ച്-ആറ് ചെറിയ അളവിലുള്ള ഭക്ഷണം കഴിക്കുക. ഭക്ഷണം കഴിച്ചതിന് ശേഷം മൂന്ന് മണിക്കൂറെങ്കിലും കഴിഞ്ഞതിന് ശേഷം മാത്രം കിടക്കുക.
കിടക്കുമ്പോള്‍ ഇടതുവശം ചരിഞ്ഞു കിടക്കുന്നത് നല്ലതാണ്. 

ഇത് ദഹനരസങ്ങള്‍ അന്നനാളത്തിലേക്ക് കടക്കുന്നത് തടയും. മാനസിക സമ്മര്‍ദ്ദം ഒഴിവാക്കാന്‍ ശ്രമിക്കുക. ഭക്ഷണം സാവധാനം ചവച്ചരച്ച് കഴിക്കുക.