മുടി വളര്‍ച്ചയ്ക്ക് ശ്രദ്ധിക്കാം ഈ കാര്യങ്ങള്‍

മുടി വളര്‍ച്ചയ്ക്ക് ശ്രദ്ധിക്കേണ്ട ചില കാര്യങ്ങള്‍ താഴെ നല്‍കുന്നു. ശരിയായ പോഷകങ്ങള്‍ അടങ്ങിയ ഭക്ഷണം മുടിയുടെ വളര്‍ച്ചയ്ക്ക് അത്യാവശ്യമാണ്. പ്രോട്ടീന്‍, വിറ്റാമിനുകള്‍, ധാതുക്കള്‍ എന്നിവ ധാരാളമായി അടങ്ങിയ ഭക്ഷണം കഴിക്കുക.

ആഴ്ചയില്‍ ഒന്നോ രണ്ടോ തവണ തലയില്‍ എണ്ണ തേച്ച് മസാജ് ചെയ്യുക. ഇത് രക്തയോട്ടം കൂട്ടാനും മുടിയുടെ വളര്‍ച്ചയെ സഹായിക്കാനും സഹായിക്കും. മുടിയുടെ തരത്തിനനുസരിച്ച് ശരിയായ ഷാംപൂ, കണ്ടീഷണര്‍ എന്നിവ ഉപയോഗിക്കുക. അമിതമായി ഷാംപൂ ഉപയോഗിക്കുന്നത് ഒഴിവാക്കുക.

വരണ്ട മുടി എളുപ്പത്തില്‍ പൊട്ടിപോകാന്‍ സാധ്യതയുണ്ട്. അതിനാല്‍ മുടിക്ക് ഈര്‍പ്പം നിലനിര്‍ത്താന്‍ ശ്രദ്ധിക്കുക. സമ്മര്‍ദ്ദം മുടി കൊഴിച്ചിലിന് ഒരു പ്രധാന കാരണമാണ്. അതിനാല്‍ സമ്മര്‍ദ്ദം കുറയ്ക്കാന്‍ ശ്രമിക്കുക.

ശരീരത്തില്‍ ജലാംശം നിലനിര്‍ത്തുന്നത് മുടിയുടെ ആരോഗ്യത്തിനും അത്യാവശ്യമാണ്. മുടി പതിവായി ചീകുന്നത് രക്തയോട്ടം കൂട്ടാനും മുടി കൊഴിച്ചില്‍ തടയാനും സഹായിക്കും.

മുടി സ്‌ട്രെയിറ്റനിംഗ്, കളറിംഗ് തുടങ്ങിയ കൃത്രിമ മാര്‍ഗ്ഗങ്ങള്‍ പരമാവധി ഒഴിവാക്കുക. മുടി കെട്ടിവെച്ച് ഉറങ്ങുന്നത് മുടി പൊട്ടുന്നത് തടയാന്‍ സഹായിക്കും.