ശരീരത്തിലെ കോശങ്ങളെ സംരക്ഷിക്കാന്‍ കാപ്പിക്കുരു

കാപ്പിക്കുരു ആന്റി ഓക്സിഡന്റുകള്‍, കഫീന്‍, അമിനോ ആസിഡുകള്‍ തുടങ്ങിയ പോഷകങ്ങള്‍ നിറഞ്ഞതാണ്. ഇവ ശരീരത്തിലെ കോശങ്ങളെ സംരക്ഷിക്കാനും തലച്ചോറിന്റെ പ്രവര്‍ത്തനം വര്‍ദ്ധിപ്പിക്കാനും ശാരീരിക പ്രകടനം മെച്ചപ്പെടുത്താനും കൊഴുപ്പ് കത്തിക്കാനും സഹായിക്കുന്നു. 

കാപ്പിക്കുരുവില്‍ ധാരാളം പോളിഫെനോളുകള്‍ അടങ്ങിയിട്ടുണ്ട്. ഇത് ശരീരത്തിലെ ഫ്രീ റാഡിക്കലുകളെ ചെറുത്ത് കോശങ്ങളെ സംരക്ഷിക്കാനും വീക്കം കുറയ്ക്കാനും സഹായിക്കും. 

കഫീന്‍ തലച്ചോറിന്റെ പ്രവര്‍ത്തനങ്ങളെ ഉത്തേജിപ്പിക്കുന്നു. ഇത് ഏകാഗ്രതയും ഓര്‍മ്മശക്തിയും മെച്ചപ്പെടുത്തുകയും ശരീരത്തിന് ഊര്‍ജ്ജം നല്‍കുകയും ചെയ്യും. കാപ്പി കുടിക്കുന്നത് ഉപാപചയ നിരക്ക് വര്‍ദ്ധിപ്പിച്ച് ശരീരത്തിലെ കൊഴുപ്പ് കത്തിക്കാന്‍ സഹായിക്കുമെന്ന് പഠനങ്ങള്‍ പറയുന്നു. 

കാപ്പിക്കുരുവില്‍ അടങ്ങിയിട്ടുള്ള ക്ലോറോജെനിക് ആസിഡ് വീക്കം തടയാനും ടൈപ്പ് 2 പ്രമേഹം, ഹൃദ്രോഗം, അര്‍ബുദം തുടങ്ങിയ രോഗങ്ങള്‍ വരാനുള്ള സാധ്യത കുറയ്ക്കാനും സഹായിക്കും. 

മുടികൊഴിച്ചില്‍ കുറയ്ക്കാനും മുടി വളര്‍ച്ചയെ പ്രോത്സാഹിപ്പിക്കാനും ചര്‍മ്മത്തിന് അകാല വാര്‍ദ്ധക്യം വരുന്നത് തടയാനും കാപ്പിക്കുരു സഹായിക്കും. കാപ്പിക്കുരുവിലെ കഫീന്‍ വ്യായാമത്തിന് ശേഷമുള്ള പേശിവേദന കുറയ്ക്കാനും പേശികള്‍ വേഗത്തില്‍ സുഖം പ്രാപിക്കാനും സഹായിക്കും.