ശരീരഭാരം കുറയ്ക്കാന്‍ ഇലക്കറികള്‍

ഇലക്കറികള്‍ വിറ്റാമിനുകള്‍, ധാതുക്കള്‍, ഫൈബര്‍, ആന്റിഓക്‌സിഡന്റുകള്‍ എന്നിവയുടെ മികച്ച ഉറവിടമാണ്. 

ഇലക്കറികളില്‍ വിറ്റാമിനുകള്‍  ധാരാളമായി അടങ്ങിയിട്ടുണ്ട്. കാത്സ്യം, മഗ്നീഷ്യം, ഇരുമ്പ്, പൊട്ടാസ്യം തുടങ്ങിയ ധാതുക്കളും ഇവയിലുണ്ട്. വിറ്റാമിന്‍ സിയും മറ്റ് ആന്റിഓക്‌സിഡന്റുകളും പ്രതിരോധശേഷി മെച്ചപ്പെടുത്തുന്നു. 

ഉയര്‍ന്ന ആന്റിഓക്സിഡന്റ് സാന്നിധ്യം ഹൃദ്രോഗ സാധ്യത കുറയ്ക്കുന്നു. കൊളസ്‌ട്രോള്‍ അടിഞ്ഞുകൂടുന്നത് തടയാനും ഇത് സഹായിക്കുന്നു. കലോറി കുറവും നാരുകള്‍ ധാരാളമായുള്ളതിനാലും ശരീരഭാരം കുറയ്ക്കാന്‍ സഹായിക്കുന്നു. 

നാരുകളും ഗ്ലൈസമിക് സൂചിക കുറഞ്ഞതും പ്രമേഹം നിയന്ത്രിക്കാന്‍ സഹായിക്കും. നാരുകളാല്‍ സമ്പുഷ്ടമായതിനാല്‍ ദഹനം സുഗമമാക്കാനും മലബന്ധം അകറ്റാനും ഇത് സഹായിക്കുന്നു. കാത്സ്യം, മഗ്നീഷ്യം എന്നിവ അടങ്ങിയിരിക്കുന്നതിനാല്‍ എല്ലുകള്‍ക്ക് ബലം നല്‍കുന്നു.  വിറ്റാമിന്‍ എ ധാരാളമായി അടങ്ങിയിട്ടുള്ളതിനാല്‍ കാഴ്ചശക്തിക്ക് അത്യന്താപേക്ഷിതമാണ്.