/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/12/04/WRAhl95z6YeAdfjFfr8r.jpg)
കൊല്ലം: വാറ്റുചാരായം പിടിക്കാന്‍ പോയ എക്‌സൈസ് ഉദ്യോഗസ്ഥന്‍ പ്രതിയുടെ വീട്ടില്‍ നിന്ന് സ്വര്‍ണാഭരണവും മൊബൈല്‍ ഫോണും മോഷ്ടിച്ചു. സംഭവത്തില്‍ ചടയമംഗലം എക്‌സൈസ് ഓഫീസിലെ സിവില്‍ എക്‌സൈസ് ഓഫീസര്‍ ഷൈജുവിനെയാണ് പോലീസ് അറസ്റ്റ് ചെയ്തത്. ആറ് ഉദ്യോഗസ്ഥരാന് പ്രതിയുടെ വീട്ടില്‍ വാറ്റുചാരായം പിടിക്കാനെത്തിയത്.
പ്രതിയായ ചിതറ മാങ്കോട് തെറ്റിമുക്കില്‍ താമസിക്കുന്ന അന്‍സാരിയുടെ വീട്ടില്‍ നിന്നാണ് മൊബൈല്‍ഫോണ്‍ മോഷ്ടിച്ചത്. കഴിഞ്ഞ വര്‍ഷം ഡിസംബര്‍ ഒന്നിനാണ് ചാരായം വാറ്റിയതിന് അന്‍സാരിയെ വീട്ടിലെത്തി എക്‌സൈസ് അറസ്റ്റ് ചെയ്തത്. ജാമ്യത്തിലിറങ്ങിയ അന്‍സാരി വീട്ടിലെത്തിയപ്പോഴാണ് കിടപ്പുമുറിയിലെ മെത്തയുടെ അടിയില്‍ സൂക്ഷിച്ചിരുന്ന അഞ്ചുപവന്റെ സ്വര്‍ണമാലയും പത്തുഗ്രാമിന്റെ ലോക്കറ്റും മൊബൈല്‍ഫോണും ഒരു ടോര്‍ച്ചും നഷ്ടപ്പെട്ടതായി മനസിലാക്കിയത്.
പോലീസില്‍ പരാതി നല്‍കിയെങ്കിലും കൃത്യമായ അന്വേഷണം നടന്നില്ല. പിന്നീട് അന്‍സാരി കോടതിയെ സമീപിക്കുകയായിരുന്നു. ഇതിനിടെ മോഷണം പോയ മൊബൈല്‍ ഫോണ്‍ ഷൈജു ഉപയോഗിക്കുന്നുണ്ടെന്ന് പോലീസ് കണ്ടെത്തി. സ്വര്‍ണാഭരണങ്ങള്‍ കണ്ടെത്താന്‍ പൊലീസ് അന്വേഷണം ശക്തമാക്കി.