കൊച്ചി: കടയ്ക്ക് ലൈസന്സ് പുതുക്കി നല്കാന് കൈക്കൂലി ആവശ്യപ്പെട്ട ജൂനിയര് ഹെല്ത്ത് ഇന്സ്പെക്ടര് പിടിയില്.
കൊച്ചി കോര്പ്പറേഷനിലെ 16-ാം സര്ക്കിള് ജൂനിയര് ഹെല്ത്ത് ഇന്സ്പെക്ടര് അഖില് ജിഷ്ണുവിനെയാണ് വിജിലന്സ് പിടികൂടിയത്. പാല് ഉല്പ്പന്നങ്ങളുടെ വില്പ്പന നടത്തുന്ന സ്ഥാപനത്തിന്റെ ലൈസന്സ് പുതുക്കി നല്കാനായാണ് അഖില് 10,000 രൂപ കൈക്കൂലി വാങ്ങിയത്.
പരാതിക്കാരന് സ്ഥാപനത്തിന്റെ ലൈസന്സ് പുതുക്കി നല്കാന് അപേക്ഷ നല്കിയിരുന്നു. എന്നാല്, ലൈസന്സ് പുതുക്കാന് അഖില് ജിഷ്ണു പണം ആവശ്യപ്പെട്ടു. വിവരം പരാതിക്കാന് വിജിലന്സില് അറിയിച്ചു.
വിജിലന്സ് പറഞ്ഞതനുസരിച്ച് കച്ചവടക്കാരന് പണം നല്കാമെന്ന് അഖിലിനെ അറിയിച്ചു. തുടര്ന്ന് പണം വാങ്ങാന് അഖില് ബൈക്കിലെത്തി. വിജിലന്സ് നല്കിയ ഫിനോഫ്തിലിന് പുരട്ടിയ നോട്ടുകള് കടക്കാരന് അഖിലിന് കൈമാറി. ഇതിന് പിന്നാലെ വിജിലന്സ് അഖിലിനെ പിടികൂടുകയായിരുന്നു.