വയറുവേദന, വയറിളക്കം; പപ്പായ അമിതമായാല്‍

പപ്പായ അമിതമായി കഴിക്കുകയാണെങ്കില്‍ ഇതിലെ നാരുകള്‍ വയറുവേദന, മലബന്ധം, വയറിളക്കം എന്നിവയ്ക്ക് കാരണമാകും. ചില ആളുകള്‍ക്ക് പപ്പായയിലെ ലാറ്റക്‌സിനോട് അലര്‍ജി ഉണ്ടാകാം. ഇത് ചര്‍മ്മത്തില്‍ ചൊറിച്ചില്‍, തിണര്‍പ്പ്, ശ്വാസംമുട്ടല്‍ തുടങ്ങിയ ലക്ഷണങ്ങള്‍ക്ക് കാരണമാകും.

പഴുക്കാത്ത പപ്പായയില്‍ ലാറ്റക്‌സ് ധാരാളമായി അടങ്ങിയിട്ടുണ്ട്. ഇത് ഗര്‍ഭാശയത്തെ സങ്കോചിപ്പിക്കുകയും ഗര്‍ഭം അലസാന്‍ സാധ്യതയുണ്ട്. അതിനാല്‍, ഗര്‍ഭിണികള്‍ പഴുത്ത പപ്പായ പോലും മിതമായ അളവില്‍ മാത്രം കഴിക്കണം. പപ്പായ രക്തത്തിലെ പഞ്ചസാരയുടെ അളവ് കുറയ്ക്കുന്നതിനാല്‍ പ്രമേഹമുള്ളവര്‍ ഇത് കഴിക്കുമ്പോള്‍ ശ്രദ്ധിക്കണം.