കോഴിക്കോട് സ്‌കൂള്‍ ബസ് മറിഞ്ഞ് വിദ്യാര്‍ഥികള്‍ ഉള്‍പ്പടെ പത്തുപേര്‍ക്ക് പരിക്ക്; അപകടത്തില്‍പ്പെട്ടത് മാനിപുരം എ.യു.പി. സ്‌കൂളിന്റെ വാഹനം

കോഴിക്കോട്: സ്‌കൂള്‍ ബസ് മറിഞ്ഞ് വിദ്യാര്‍ഥികള്‍ ഉള്‍പ്പടെ പത്തുപേര്‍ക്ക് പരിക്ക്. ഒമ്പതു വിദ്യാര്‍ഥികള്‍ക്കും സ്‌കൂള്‍ ബസ് ഓടിച്ചിരുന്ന ഡ്രൈവര്‍ക്കുമാണ് പരിക്കേറ്റത്. 

ഇവരെ ഓമശേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ആരുടെയും പരിക്ക് ഗുരുതരമല്ല. ചൊവ്വാഴ്ച വൈകുന്നേരം അഞ്ചിന് ഓമശേരി പുത്തൂരിലാണ് സംഭവം. മാനിപുരം എ.യു.പി. സ്‌കൂളിന്റെ വാഹനമാണ് അപകടത്തില്‍പ്പെട്ടത്. പോലീസും ഫയര്‍ഫോഴ്‌സും സ്ഥലത്ത് എത്തി മേല്‍നടപടികള്‍ സ്വീകരിച്ചു.