കടന്നല്‍ കുത്തിയാല്‍...

കടന്നല്‍ കുത്തിയാല്‍ കുത്തേറ്റ ഭാഗത്ത് വേദന, ചുവപ്പ്, നീര്‍വീക്കം, ചൊറിച്ചില്‍ എന്നിവ അനുഭവപ്പെടാം. കടന്നലിന്റെ കൊമ്പ് അവശേഷിക്കുന്നുണ്ടെങ്കില്‍ ശ്രദ്ധയോടെ നീക്കം ചെയ്യുക. സൂചി അല്ലെങ്കില്‍ മറ്റേതെങ്കിലും ഉപകരണം ഉപയോഗിച്ച് കൊമ്പ് കുത്തി എടുക്കാതെ, കൈ കൊണ്ട് പതുക്കെ വലിച്ചെടുക്കുക.

കുത്തേറ്റ ഭാഗത്ത് തണുത്ത വെള്ളം ഉപയോഗിച്ച് കഴുകുക. ഇത് നീര്‍വീക്കം കുറയ്ക്കാന്‍ സഹായിക്കും. ഐസ് പായ്ക്ക് വയ്ക്കുക. നീര്‍വീക്കം കുറക്കുന്നതിനും വേദന കുറക്കുന്നതിനും ഇത് സഹായിക്കും.

ചൊറിച്ചില്‍ കുറയ്ക്കാന്‍ എന്തെങ്കിലും ലേപനം പുരട്ടുക. ഡോക്ടറെ കണ്ട് അനുയോജ്യമായ ലേപനം പുരട്ടുന്നത് ചൊറിച്ചില്‍ കുറയ്ക്കാന്‍ സഹായിക്കും.

ധാരാളം വെള്ളം കുടിക്കുക. ശരീരത്തിലെ വിഷാംശം പുറന്തള്ളാന്‍ ഇത് സഹായിക്കും. അസ്വസ്ഥതകള്‍ കൂടുതലാണെങ്കില്‍ ഉടന്‍ വൈദ്യസഹായം തേടുക. ശ്വാസംമുട്ടല്‍, നെഞ്ചുവേദന, തലകറക്കം തുടങ്ങിയ ലക്ഷണങ്ങള്‍ ഉണ്ടെങ്കില്‍ ഉടന്‍ തന്നെ ആശുപത്രിയില്‍ പോകേണ്ടതാണ്.