ശരീരഭാരം കുറയ്ക്കാന്‍ പട്ടാണി കടല

പട്ടാണി കടല പ്രോട്ടീന്‍, ഫൈബര്‍, വിറ്റാമിനുകള്‍, ധാതുക്കള്‍ എന്നിവയുടെ കലവറയാണ്. അതിനാല്‍ ശരീരഭാരം കുറയ്ക്കാനും, ദഹനം മെച്ചപ്പെടുത്താനും, പ്രമേഹം നിയന്ത്രിക്കാനും ഇത് സഹായിക്കുന്നു.

ഉയര്‍ന്ന അളവില്‍ പ്രോട്ടീന്‍ അടങ്ങിയ ഇത് പേശികളുടെ വളര്‍ച്ചയ്ക്കും ശരീരത്തിന്റെ പ്രവര്‍ത്തനങ്ങള്‍ക്കും അത്യാവശ്യമാണ്. ദഹനത്തിന് സഹായിക്കുന്ന നാരുകള്‍ ഇതില്‍ ധാരാളമായി അടങ്ങിയിട്ടുണ്ട്. ഇത് മലബന്ധം തടയുകയും വയര്‍ നിറഞ്ഞ തോന്നല്‍ ഉണ്ടാക്കുകയും ചെയ്യുന്നു.

വിറ്റാമിന്‍ കെ, വിറ്റാമിന്‍ സി, ഫോളിക് ആസിഡ്, ഇരുമ്പ്, മഗ്നീഷ്യം, പൊട്ടാസ്യം തുടങ്ങിയ നിരവധി പോഷകങ്ങള്‍ ഇതില്‍ അടങ്ങിയിട്ടുണ്ട്. പട്ടാണി കടലയിലെ കുറഞ്ഞ ഗ്ലൈസെമിക് സൂചിക രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കുന്നു, ഇത് പ്രമേഹ രോഗികള്‍ക്ക് വളരെ നല്ലതാണ്. ഉയര്‍ന്ന ഫൈബര്‍, പൊട്ടാസ്യം എന്നിവ രക്തസമ്മര്‍ദ്ദം കുറയ്ക്കുകയും ഹൃദയാരോഗ്യം സംരക്ഷിക്കുകയും ചെയ്യുന്നു.