രക്തസമ്മര്‍ദ്ദം നിയന്ത്രിക്കാന്‍ പീച്ചിലങ്ങ

പീച്ചിലിങ്ങയില്‍ വിറ്റാമിനുകളുടെയും ധാതുക്കളുടെയും ഉറവിടം: പീച്ചിലയില്‍ വിറ്റാമിന്‍ എ, സി, ഇ, പൊട്ടാസ്യം, നാരുകള്‍, കാത്സ്യം, ഫോസ്ഫറസ് തുടങ്ങിയ പോഷകങ്ങള്‍ അടങ്ങിയിരിക്കുന്നു.

ഫ്‌ളേവനോയിഡുകള്‍, ബീറ്റാകരോട്ടിന്‍ തുടങ്ങിയ ആന്റിഓക്‌സിഡന്റുകള്‍ അടങ്ങിയിരിക്കുന്നതിനാല്‍, ഫ്രീ റാഡിക്കലുകളെ തുരത്താനും കാന്‍സര്‍ പോലുള്ള രോഗങ്ങള്‍ വരാതെ തടയാനും സഹായിക്കുന്നു. പൊട്ടാസ്യം അടങ്ങിയ പീച്ചില രക്തസമ്മര്‍ദ്ദം നിയന്ത്രിക്കുകയും നാരുകള്‍ അടങ്ങിയതിനാല്‍ ഹൃദ്രോഗ സാധ്യത കുറയ്ക്കുകയും ചെയ്യുന്നു.

ഫൈബറുകള്‍ കാരണം വയറു നിറഞ്ഞതായി തോന്നിപ്പിക്കുകയും ശരീരഭാരം നിയന്ത്രിക്കാന്‍ സഹായിക്കുകയും ചെയ്യും. പീച്ചിലയില്‍ ധാരാളം വെള്ളം അടങ്ങിയിട്ടുള്ളതിനാല്‍ ശരീരത്തിലെ ജലാംശം നിലനിര്‍ത്താന്‍ സഹായിക്കും. കാത്സ്യം, ഫോസ്ഫറസ് എന്നിവ അടങ്ങിയിരിക്കുന്നതിനാല്‍ എല്ലുകളുടെ സാന്ദ്രത വര്‍ദ്ധിപ്പിക്കാനും ആരോഗ്യം നിലനിര്‍ത്താനും ഇത് സഹായിക്കും.