കൊല്ലത്ത് പള്ളിയില്‍ നിന്ന് റോഡിലേക്ക് ഇറങ്ങിയവര്‍ക്കിടയിലേക്ക് കാര്‍ ഇടിച്ചുകയറി അപകടം; മൂന്ന് പേര്‍ക്ക് പരിക്ക്

കൊല്ലം: കൊല്ലത്ത് റോഡിലേക്ക് നടന്നുവരികയായിരുന്നവര്‍ക്കിടയിലേക്ക് കാര്‍ ഇടിച്ചുകയറി അപകടം.
സംഭവത്തില്‍ കുട്ടി ഉള്‍പ്പെടെ മൂന്ന് പേര്‍ക്ക് പരിക്കേറ്റു. പള്ളിക്ക് മുന്നില്‍ ഇന്ന് രാവിലെയോടെയാണ് അപകടം ഉണ്ടായത്.
കുരിയിലംമുകള്‍ മുതിരവിളയില്‍ ഫിലിപ്പ് (57), പൊയ്കമുക്കില്‍ ഷൈനി (36), ഷൈനിയുടെ 3 വയസുള്ള കുഞ്ഞ് എന്നിവര്‍ക്കാണ് പരിക്കേറ്റത്. 

പെട്ടെന്ന് വെട്ടിതിരിഞ്ഞ കാര്‍ ആളുകളുടെ നേരെ ഇടിച്ചുകയറുകയായിരുന്നു. കൊല്ലം കരവാളൂര്‍ ബഥേല്‍ മാര്‍ത്തോമ്മ പരിക്കേറ്റവരെ വിവിധ ആശുപത്രികളില്‍ പ്രവേശിപ്പിച്ചു. സംഭവത്തിന്റെ സി.സി.ടിവി ദൃശ്യങ്ങളും പുറത്തുവന്നു. കാര്‍ പെട്ടെന്ന് ഇടത്തോട്ട് വെട്ടിതിരിഞ്ഞാണ് നടന്നുപോകുന്നവര്‍ക്കിടയിലേക്ക് ഇടിച്ചുകയറിയത്.