പ്രായം കൂടുന്നത് തടയാന്‍ കാക്കപ്പഴം

കാക്കപ്പഴം (പെര്‍സിമോണ്‍) ധാരാളം പോഷകങ്ങള്‍ അടങ്ങിയതും ആരോഗ്യത്തിന് നിരവധി ഗുണങ്ങള്‍ നല്‍കുന്നതുമായ ഒരു പഴമാണ്. ഇതില്‍ അടങ്ങിയ നാരുകള്‍ ദഹനവ്യവസ്ഥയെ സുഗമമാക്കാനും മലബന്ധം പോലുള്ള പ്രശ്‌നങ്ങള്‍ പരിഹരിക്കാനും സഹായിക്കുന്നു.

വിറ്റാമിന്‍ സി, ആന്റിഓക്‌സിഡന്റുകള്‍ എന്നിവ ധാരാളം അടങ്ങിയിട്ടുള്ളതുകൊണ്ട് രോഗപ്രതിരോധ സംവിധാനത്തെ ശക്തിപ്പെടുത്തുന്നു. ഉയര്‍ന്ന രക്തസമ്മര്‍ദ്ദം, ഉയര്‍ന്ന കൊളസ്‌ട്രോള്‍ എന്നിവ കുറയ്ക്കാന്‍ സഹായിക്കുന്നു. 

ഇതില്‍ അടങ്ങിയ നാരുകള്‍ രക്തത്തിലെ പഞ്ചസാരയുടെ അളവ് സ്ഥിരപ്പെടുത്താനും പ്രമേഹ സാധ്യത കുറയ്ക്കാനും സഹായിക്കുന്നു. വിറ്റാമിന്‍ സി അടങ്ങിയിട്ടുള്ളതിനാല്‍ ചര്‍മ്മത്തിന്റെ ഇലാസ്തികത നിലനിര്‍ത്താനും പ്രായമാകുന്നത് തടയാനും സഹായിക്കും. 

നേത്രരോഗങ്ങള്‍ വരാനുള്ള സാധ്യത കുറയ്ക്കാന്‍ സഹായിക്കുന്നു. ധാരാളം വിറ്റാമിനുകളും ധാതുക്കളും അടങ്ങിയിട്ടുള്ളതിനാല്‍ എല്ലുകള്‍ക്ക് ബലം നല്‍കുന്നു. നാരുകള്‍ അടങ്ങിയതുകൊണ്ട് വിശപ്പ് കുറയ്ക്കാനും ശരീരഭാരം നിയന്ത്രിക്കാനും സഹായിക്കുന്നു.