കാത്സ്യം, മഗ്നീഷ്യം, പ്രോട്ടീന്‍; ലഡുവിലുണ്ട് ഈ ഗുണങ്ങള്‍

ലഡുവിന്റെ ഗുണങ്ങള്‍ അതില്‍ ചേര്‍ക്കുന്ന ചേരുവകളെ ആശ്രയിച്ചിരിക്കുന്നു. ശൈത്യകാലത്ത് രോഗങ്ങളെ ചെറുക്കാന്‍ സഹായിക്കുന്ന ആന്റിഓക്സിഡന്റുകള്‍ അടങ്ങിയതിനാല്‍ പ്രതിരോധശേഷി വര്‍ദ്ധിപ്പിക്കാന്‍ സഹായിക്കുന്നു.

കാത്സ്യം, മഗ്നീഷ്യം, പ്രോട്ടീന്‍ എന്നിവ അടങ്ങിയ ലഡുക്കള്‍ എല്ലുകളുടെ ആരോഗ്യത്തിന് നല്ലതാണ്. നാരുകള്‍ അടങ്ങിയ ലഡുക്കള്‍ ദഹനത്തെ സുഗമമാക്കാനും മലബന്ധം തടയാനും സഹായിക്കും.

അത്തിപ്പഴം, ഉണക്കമുന്തിരി തുടങ്ങിയ ചേരുവകള്‍ ഇരുമ്പ്, മഗ്നീഷ്യം, പൊട്ടാസ്യം തുടങ്ങിയ ധാതുക്കള്‍ ലഭ്യമാക്കുന്നു. ഗര്‍ഭകാലത്തും പ്രസവശേഷവും ആവശ്യമായ പോഷകങ്ങള്‍ നല്‍കാന്‍ സഹായിക്കുന്നു. പ്രകൃതിദത്തമായ മധുരം നല്‍കുന്നതിനൊപ്പം ആരോഗ്യകരമായ കൊഴുപ്പുകളും ധാതുക്കളും അടങ്ങിയിരിക്കുന്നു.