കണ്ണുകളില്‍ പീള കെട്ടുന്നത് എന്തുകൊണ്ട്?

ബാക്ടീരിയല്‍ അല്ലെങ്കില്‍ വൈറല്‍ അണുബാധകള്‍ (ചെങ്കണ്ണ് പോലുള്ളവ) കണ്ണില്‍ ചുവപ്പ്, ചൊറിച്ചില്‍, വേദന എന്നിവയോടൊപ്പം പീള രൂപപ്പെടാനും കാരണമാകും.

ആവശ്യത്തിന് കണ്ണുനീര്‍ ഉണ്ടാകാത്തതുകൊണ്ട് കണ്ണുകള്‍ വരണ്ടുപോകാനും അസ്വസ്ഥത തോന്നാനും കാരണമാകും.പൊടി, പൂമ്പൊടി, മൃഗങ്ങളുടെ രോമം എന്നിവയോടുള്ള പ്രതിപ്രവര്‍ത്തനങ്ങള്‍ കണ്ണുകളില്‍ ചൊറിച്ചിലും പീള കെട്ടാനും കാരണമാകാം.

ദീര്‍ഘനേരം സ്‌ക്രീന്‍ നോക്കുകയോ വായിക്കുകയോ ചെയ്യുമ്പോള്‍, കണ്ണിന്റെ പേശികള്‍ക്ക് ആയാസം ഉണ്ടാകുകയും കണ്ണുചിമ്മുന്നതിന്റെ അളവ് കുറയുകയും ചെയ്യുന്നു. ഇത് കണ്ണുകള്‍ക്ക് അസ്വസ്ഥതയും പീളയും ഉണ്ടാക്കും.

പൊടി, മണല്‍, അല്ലെങ്കില്‍ മറ്റ് ചെറിയ കണികകള്‍ കണ്ണില്‍ വീഴുന്നത് അസ്വസ്ഥതയ്ക്കും പീള കെട്ടാനും കാരണമാകും. കോണ്‍ടാക്റ്റ് ലെന്‍സുകള്‍ ദീര്‍ഘനേരം ധരിക്കുന്നതിലൂടെയോ ശരിയായി വൃത്തിയാക്കാതിരിക്കുന്നതിലൂടെയോ അണുബാധ ഉണ്ടാകാം. ഇത് പീള കെട്ടുന്നതിന് കാരണമാകും.