വിറ്റാമിന്‍ എ കുറഞ്ഞാല്‍ ഈ ലക്ഷണങ്ങള്‍

വിറ്റാമിന്‍ എ കുറവാണെങ്കില്‍ പ്രധാനമായും നിശാന്ധത (രാത്രിയില്‍ കാഴ്ചക്കുറവ്), വരണ്ട ചര്‍മ്മം, പ്രതിരോധശേഷി കുറയുക, കുട്ടികളില്‍ വളര്‍ച്ചാ പ്രശ്‌നങ്ങള്‍ എന്നിവയുണ്ടാകാം. 

വിറ്റാമിന്‍ എ കുറവായതിന്റെ ആദ്യലക്ഷണങ്ങളില്‍ ഒന്നാണ് നിശാന്ധത. ഇരുട്ടില്‍ കാഴ്ചക്കുറവ് അനുഭവപ്പെടാം. ചര്‍മ്മം വരണ്ടതാവുകയും, ചെതുമ്പല്‍ പോലെ തടിക്കുകയും ചൊറിച്ചില്‍ അനുഭവപ്പെടുകയും ചെയ്യും. 

വിറ്റാമിന്‍ എ പ്രതിരോധശേഷിക്ക് അത്യാവശ്യമാണ്. കുറവാണെങ്കില്‍ അണുബാധകള്‍ വരാനുള്ള സാധ്യത കൂടും. കുട്ടികളില്‍ വളര്‍ച്ചയും വികാസവും വൈകാന്‍ സാധ്യതയുണ്ട്. സീറോഫ്താല്‍മിയ, കെരാട്ടോമലേഷ്യ, പൂര്‍ണ്ണമായ അന്ധത എന്നിവ വിറ്റാമിന്‍ എ കുറവായതിന്റെ ഗുരുതരമായ അവസ്ഥകളാണ്.

വിറ്റാമിന്‍ എ കുറവാണെങ്കില്‍ ശ്വാസകോശ സംബന്ധമായ അണുബാധകള്‍ വരാനുള്ള സാധ്യതയുണ്ട്. വിറ്റാമിന്‍ എ കൂടുതലായി അടങ്ങിയ ഭക്ഷണങ്ങള്‍ കഴിക്കുന്നതിലൂടെ ഈ പ്രശ്‌നങ്ങള്‍ ഒരു പരിധി വരെ നിയന്ത്രിക്കാനാകും.