മണം തിരിച്ചറിയാന്‍ കഴിയുന്നില്ലേ...?

മൂക്കിലെ ദശ (നാസല്‍ പോളിപ്‌സ്) എന്നത് മൂക്കിലോ സൈനസുകളിലോ ഉണ്ടാകുന്ന ക്യാന്‍സര്‍ അല്ലാത്ത വളര്‍ച്ചയാണ്. ഇത് ശ്വാസമെടുക്കാന്‍ ബുദ്ധിമുട്ട്, മണം തിരിച്ചറിയാന്‍ കഴിയാത്ത അവസ്ഥ, മൂക്കൊലിപ്പ്, മൂക്കടപ്പ് തുടങ്ങിയ ലക്ഷണങ്ങള്‍ ഉണ്ടാക്കുന്നു. 

മണം തിരിച്ചറിയാന്‍ കഴിയാത്ത അവസ്ഥ: ദശയുടെ വളര്‍ച്ച കാരണം മണം തിരിച്ചറിയാനുള്ള കഴിവ് നഷ്ടപ്പെടുന്നു.

മൂക്കടപ്പ്: ഇത് ദശയുടെ പ്രധാന ലക്ഷണമാണ്. മൂക്കിലൂടെ ശ്വാസമെടുക്കാന്‍ പ്രയാസമുണ്ടാകുന്നു.

മൂക്കൊലിപ്പ്: മൂക്കില്‍ നിന്ന് ദ്രാവകം ഒഴുകുന്നത് സാധാരണമാണ്.

രുചിയില്ലായ്മ: ഭക്ഷണം കഴിക്കുമ്പോള്‍ രുചി അറിയാന്‍ കഴിയാതെ വരുന്നു.

തലവേദന: സൈനസൈറ്റിസ് ഉള്ളവരില്‍ തലവേദന സാധാരണമാണ്.

തുമ്മല്‍: അലര്‍ജി ഉള്ളവരില്‍ തുമ്മല്‍ കൂടുതലായി കാണപ്പെടുന്നു.

ചെവി വേദന: മൂക്കടപ്പ് കാരണം ചെവി വേദനയും കേള്‍വി കുറവും അനുഭവപ്പെടാം.

തുടര്‍ച്ചയായ ജലദോഷം: കുട്ടികളില്‍ ഇത് വിട്ടുമാറാത്ത ജലദോഷത്തിന് കാരണമാകുന്നു.

വായിലൂടെ ശ്വാസമെടുക്കല്‍: ദശയുടെ വളര്‍ച്ച കാരണം വായിലൂടെ ശ്വാസമെടുക്കുന്ന അവസ്ഥയുണ്ടാകാം.

കൂര്‍ക്കംവലി: ഉറങ്ങുമ്പോള്‍ കൂര്‍ക്കംവലി ഉണ്ടാകാന്‍ സാധ്യതയുണ്ട്.

പഠനത്തില്‍ ശ്രദ്ധക്കുറവ്: കുട്ടികളില്‍ പഠനത്തില്‍ ശ്രദ്ധ കുറയാന്‍ കാരണമാകുന്നു.

ഈ ലക്ഷണങ്ങള്‍ അനുഭവപ്പെടുന്നുണ്ടെങ്കില്‍ ഒരു ഇ.എന്‍.ടി. ഡോക്ടറെ കാണിക്കണം.