കഴുത്ത് ഉളുക്ക് മാറാന്‍ ഈ വഴികള്‍

കഴുത്തിന് ആയാസം നല്‍കാത്ത രീതിയില്‍ വിശ്രമിക്കുക. കഴുത്ത് വേദന കൂട്ടുന്ന പ്രവര്‍ത്തനങ്ങള്‍ ഒഴിവാക്കുക. ആദ്യത്തെ കുറച്ച് ദിവസങ്ങളില്‍ കഴുത്തില്‍ ഐസ് വച്ച് തണുപ്പിക്കുക. ഇത് നീര്‍വീക്കം കുറയ്ക്കാന്‍ സഹായിക്കും. 

തുടര്‍ന്ന്, ചൂടുള്ള കംപ്രസ്സോ ചൂടുള്ള ഷവറോ ഉപയോഗിച്ച് ചൂട് കൊടുക്കുക. ഇത് പേശികള്‍ക്ക് അയവ് വരുത്താന്‍ സഹായിക്കും. ഡോക്ടറുടെ നിര്‍ദ്ദേശപ്രകാരം വേദന സംഹാരികള്‍ കഴിക്കാവുന്നതാണ്. 

കഴുത്തിലെ പേശികള്‍ക്ക് ബലം നല്‍കുന്ന ലളിതമായ വ്യായാമങ്ങള്‍ ചെയ്യുക. കഴുത്ത് സാവധാനം വശങ്ങളിലേക്കും മുകളിലേക്കും താഴേക്കും ചലിപ്പിക്കുക. ശരിയായ രീതിയില്‍ ഇരിക്കാനും നില്‍ക്കാനും ശ്രദ്ധിക്കുക. കഴുത്ത് വേദന കൂട്ടുന്ന രീതിയിലുള്ള ഇരിപ്പും നില്‍പും ഒഴിവാക്കുക. 
കഴുത്തിലെ പേശികള്‍ക്ക് അയവ് വരുത്താന്‍ മൃദലമായി മസാജ് ചെയ്യുക. 

ഉറങ്ങുമ്പോള്‍ കഴുത്തിന് താങ്ങായി ഒരു പ്രത്യേക തരം തലയിണ ഉപയോഗിക്കുക. കഴുത്തിന് ബ്രേസ് അഥവാ കോളര്‍ ഉപയോഗിക്കുന്നതിന് മുന്‍പ് ഡോക്ടറെ സമീപിക്കുക.