ഉയര്‍ന്ന രക്തസമ്മര്‍ദ്ദം; ഉപ്പ് അമിതമായാല്‍

ഉപ്പിലെ സോഡിയം ശരീരത്തില്‍ ജലാംശം കൂട്ടുകയും ഇത് രക്തസമ്മര്‍ദ്ദം വര്‍ദ്ധിപ്പിക്കുകയും ചെയ്യും. രക്തസമ്മര്‍ദ്ദം കൂടുന്നത് ഹൃദ്രോഗം, പക്ഷാഘാതം തുടങ്ങിയ രോഗങ്ങളിലേക്ക് നയിക്കുന്നു. 

ഉയര്‍ന്ന രക്തസമ്മര്‍ദ്ദം ഹൃദയത്തിന് കൂടുതല്‍ ആയാസം നല്‍കുന്നു. ഇത് ഹൃദയാഘാത സാധ്യത വര്‍ദ്ധിപ്പിക്കുന്നു. അമിതമായി ഉപ്പ് കഴിക്കുന്നത് വൃക്കകളെ ദോഷകരമായി ബാധിക്കും. ഇത് വൃക്കരോഗങ്ങള്‍ വരാനുള്ള സാധ്യത കൂട്ടുന്നു. 

അമിതമായി ഉപ്പ് കഴിക്കുന്നത് കാത്സ്യം നഷ്ടപ്പെടാന്‍ കാരണമാകുന്നു. ഇത് എല്ലുകളുടെ ബലക്ഷയത്തിന് ഇടയാക്കുന്നു. അമിതമായി ഉപ്പ് കഴിക്കുന്നത് തലച്ചോറിന്റെ പ്രവര്‍ത്തനത്തെയും ബാധിക്കുമെന്നും പഠനങ്ങള്‍ പറയുന്നു. അമിതമായി ഉപ്പ് കഴിക്കുന്നത് ഓസ്റ്റിയോപൊറോസിസ് എന്ന രോഗത്തിലേക്ക് നയിച്ചേക്കാം. ഇത് എല്ലുകളെ ദുര്‍ബലമാക്കുന്നു.