ഇടതുപക്ഷമാണെങ്കില്‍ ആക്രമണം, ഇടതുപക്ഷം അല്ലെങ്കില്‍ ആക്രമണം ഇല്ല, മാധ്യമങ്ങള്‍ അധാര്‍മികതയുടെ ഏതറ്റം വരെയും പോകുന്നു, ഇടതുപക്ഷം വീണ്ടും അധികാരത്തില്‍ വരുമെന്നതില്‍ ചില മാധ്യമങ്ങള്‍ക്ക് പരിഭ്രാന്തി: മുഖ്യമന്ത്രി

കോഴിക്കോട്: ഇടതുപക്ഷം വീണ്ടും അധികാരത്തില്‍ വരുമെന്ന് ജനങ്ങള്‍ക്ക് പ്രതീക്ഷയുണ്ടെന്നും ഇതില്‍ ചില മാധ്യമങ്ങള്‍ക്ക് പരിഭ്രാന്തിയുണ്ടെന്നും മുഖ്യമന്ത്രി പിണറായി വിജയന്‍. 

മാധ്യമങ്ങള്‍ അധാര്‍മികതയുടെ ഏതറ്റം വരെയും പോകുന്നു. കളമശേരി പോളിടെക്‌നിക്കില്‍ ലഹരി മരുന്ന് പിടിച്ച സംഭവം ഇതിന് ഉദാഹരണമാണ്. ആ സംഭവത്തിന് ചില മാധ്യമങ്ങള്‍ ഇടതുപക്ഷ വിരുദ്ധ നറേറ്റീവ് നല്‍കി. 

ഇടതുപക്ഷമാണെങ്കില്‍ ആക്രമണം. ഇടതുപക്ഷം അല്ലെങ്കില്‍ ആക്രമണം ഇല്ല. മാധ്യമങ്ങള്‍ കുട്ടികളുടെ രാഷ്ട്രീയം അന്വേഷിച്ചു നടന്നു. ഒരു വിദ്യാര്‍ഥിയുടെ രാഷ്ട്രീയം മാത്രം ലക്ഷ്യം വച്ചു. പിന്നീട് കേസിലെ പ്രതികള്‍ ഇടതുപക്ഷം അല്ലെങ്കില്‍ ആക്രമണം വേണ്ടായെന്ന നിലപാട് സ്വീകരിച്ചുവെന്നും മുഖ്യമന്ത്രി പറഞ്ഞു.