കരുനാഗപ്പള്ളിയില്‍ സ്വകാര്യ ബസും ഓട്ടോ ടാക്‌സിയും  കൂട്ടിയിടിച്ച് നാലു പേര്‍ക്ക് ഗുരുതര പരിക്ക്

കരുനാഗപ്പള്ളി: തൊടിയൂര്‍ പാട്ടുപുരയ്ക്കല്‍ ക്ഷേത്രത്തിനു സമീപം സ്വകാര്യ ബസും ഓട്ടോ ടാക്‌സിയും കൂട്ടിയിടിച്ചു നാലു പേര്‍ക്ക് ഗുരുതര പരിക്ക്. മണപ്പ ഗോപകുമാര്‍, ഓമന (70), സജിമോള്‍ (50), സിന്ധു (48) എന്നിവര്‍ക്കാണു പരിക്കേറ്റത്. 

വൈകിട്ട് മൂന്നിനായിരുന്നു അപകടം. കരുനാഗപ്പള്ളിയില്‍നിന്നു ശാസ്താംകോട്ടയിലേക്കു പോകുകയായിരുന്നു ബസ്. കൊല്ലത്തെ സ്വകാര്യ ആശുപത്രിയില്‍നിന്നു മടങ്ങുകയായിരുന്ന കുടുംബമാണ് ഓട്ടോയില്‍ സഞ്ചരിച്ചിരുന്നത്.