ചര്‍മ്മത്തിലെ വ്രണങ്ങള്‍ ശമിക്കാന്‍ കരിനൊച്ചി

കരിനൊച്ചി ഇല വെള്ളത്തില്‍ തിളപ്പിച്ച് ആവി പിടിക്കുന്നതിലൂടെ ശരീരവേദനകള്‍ ശമിക്കുകയും വാതം, സന്ധിവാതം എന്നിവയ്ക്ക് ആശ്വാസം നല്‍കുകയും ചെയ്യും. ചര്‍മ്മത്തിലെ വ്രണങ്ങള്‍ ശമിപ്പിക്കാനും, അള്‍സര്‍ പോലുള്ളവയെ ശുദ്ധീകരിക്കാനും കരിനൊച്ചിക്ക് കഴിയും. കുട്ടികളിലെ ചെവിയിലെ അണുബാധയ്ക്ക് കരിനൊച്ചി ഇല കടുക് എണ്ണയില്‍ തിളപ്പിച്ച് ഉപയോഗിക്കാം.

കരിനൊച്ചി ഇലയിട്ട വെള്ളം ആവി പിടിക്കുന്നതിലൂടെ ജലദോഷം, കഫക്കെട്ട്, ശ്വാസംമുട്ട് തുടങ്ങിയ രോഗങ്ങളില്‍ നിന്ന് ആശ്വാസം ലഭിക്കും. കരിനൊച്ചിയുടെ ഉണങ്ങിയ ഇലകള്‍ ഉപയോഗിച്ച് ധാന്യശേഖരങ്ങളില്‍ കീടങ്ങളെ അകറ്റി നിര്‍ത്താം, കൂടാതെ വീട്ടുമുറ്റത്ത് കരിനൊച്ചി ചെടി വളര്‍ത്തുന്നത് കൊതുകുകളെ അകറ്റാനും സഹായിക്കും.

വിഷമുള്ള ചിലന്തികളുടെയും പാമ്പുകളുടെയും കടിയ്ക്ക് ഒരു പ്രതിവിധി എന്ന നിലയിലും കരിനൊച്ചി ഉപയോഗിക്കാറുണ്ട്. വയറുവേദന, കുടല്‍ വിരകള്‍, വായുകോപം തുടങ്ങിയ ആമാശയ സംബന്ധമായ പ്രശ്‌നങ്ങള്‍ക്ക് കരിനൊച്ചി ഉപയോഗിക്കാറുണ്ട്.