മൂന്നാം വന്ദേഭാരത് എക്‌സ്പ്രസ് യാത്ര ആരംഭിച്ചു; പുതിയ സര്‍വീസ് എറണാകുളം-ബംഗളുരു റൂട്ടില്‍

തിരുവനന്തപുരം: കേരളത്തിനുള്ള മൂന്നാം വന്ദേഭാരത് എക്‌സ്പ്രസ് യാത്ര ആരംഭിച്ചു. എറണാകുളം-ബംഗളുരു റൂട്ടിലാണ് പുതിയ സര്‍വീസ് നടത്തുന്നത്. ഉച്ചയ്ക്ക് 12.50നു എറണാകുളത്ത് നിന്ന് പുറപ്പെട്ടു.  രാത്രി 10ന് ബംഗളുരുവില്‍ എത്തും. 

ചെയര്‍കാറില്‍ ഭക്ഷണം ഉള്‍പ്പെടെ 1465 രൂപയും എക്‌സിക്യൂട്ടീവ് ചെയര്‍കാറില്‍ 2945 രൂപയുമാണു ടിക്കറ്റ് നിരക്ക്. ബുധന്‍, വെള്ളി, ഞായര്‍ ദിവസങ്ങളില്‍ ഉച്ചയ്ക്ക് 12.50ന് എറണാകുളത്ത് നിന്ന് ട്രെയിന്‍ പുറപ്പെട്ട് രാത്രി 10ന് ബംഗളുരു കന്റോണ്‍മെന്റില്‍ എത്തും. 

വ്യാഴം, ശനി, തിങ്കള്‍ ദിവസങ്ങളില്‍ പുലര്‍ച്ചെ 5.30ന് ബംഗളുരു കന്റോണ്‍മെന്റില്‍ നിന്ന് പുറപ്പെട്ട് ഉച്ചകഴിഞ്ഞ് 2.20ന് എറണാകുളം ജങ്ഷനിലെത്തും. ജൂലൈ 31 മുതല്‍ ഓഗസ്റ്റ് 26 വരെയാണ് സര്‍വീസ്.