ഗുണ്ടാനേതാവിന്റെ ജന്മദിനാഘോഷത്തിനെത്തിയ  ഷാന്‍ വധക്കേസ് പ്രതി ഉള്‍പ്പെടെ പത്തോളം  ഗുണ്ടാസംഘം കായംകുളത്ത് പിടിയില്‍

ആലപ്പുഴ: ഗുണ്ടാനേതാവിന്റെ ജന്മദിനാഘോഷത്തിന് എത്തിയ ഷാന്‍ വധക്കേസ് പ്രതി ഉള്‍പ്പെടെ പത്തോളം പേരടങ്ങുന്ന ഗുണ്ടാ സംഘം കായംകുളത്ത് പിടിയില്‍. എസ്.ഡി.പി.ഐ. നേതാവ് ഷാന്‍ വധക്കേസില്‍ ജാമ്യത്തിലുള്ള പ്രതി മണ്ണഞ്ചേരി അതുലാണ് അറസ്റ്റിലായവരില്‍ ഒരാള്‍.

ഗുണ്ടാ നേതാവ് നെടുവക്കാട്ട് നിതീഷ് കുമാര്‍ (36), മണ്ണഞ്ചേരി ഒറ്റക്കണ്ടത്തില്‍ അതുല്‍ (29), പത്തിയൂര്‍ വിനീത് ഭവനം വിജീഷ് (30), കൃഷ്ണപുരം പുത്തന്‍പുര തെക്കേതില്‍ അനന്ദു (20), മുളകുവള്ളി കുത്തനാപ്പിള്ളില്‍ അലന്‍ ബെന്നി (27), തൃക്കല്ലൂര്‍ വാലത്ത് പ്രശാല്‍ (29), കീരിക്കാട് വഞ്ചിയൂര്‍ ഹബീസ് (32), പത്തിയൂര്‍ക്കാല വിമല്‍ഭവനില്‍ വിഷ്ണു (33), ചേരാവള്ളി കണ്ണങ്കര സെയ്ഫുദ്ദീന്‍ (38), മുട്ടം രാജേഷ് ഭവനം രാജേഷ് കുമാര്‍ (45) എന്നിവരാണ് അറസ്റ്റിലായത്.