കോഴിക്കോട്: പി.എസ്.സി. നിയമനത്തിനായി പാര്ട്ടി നേതാവ് കോഴ വാങ്ങിയെന്ന ആരോപണത്തെക്കുറിച്ച് ഒന്നും അറിയില്ലെന്ന് സി.പി.എം. കോഴിക്കോട് ജില്ലാ സെക്രട്ടറി പി. മോഹനന്. മാധ്യമങ്ങളോട് സംസാരിക്കുകയായിരുന്നു അദ്ദേഹം.
എല്ലാ മാധ്യമങ്ങള് ഉണ്ടാക്കുന്ന കോലാഹലങ്ങള് മാത്രമാണ്. പാര്ട്ടിയെയും മന്ത്രി മുഹമ്മദ് റിയാസിനെയും കരിവാരി തേയ്ക്കാനുള്ള ശ്രമം മാത്രമാണിത്. നിങ്ങള് കോലാഹലമുണ്ടാക്കുന്ന പോലെ ഇതിനെ സംബന്ധിച്ച ഒരു അറിവും ഞങ്ങള്ക്കില്ല.
പി.എസ്.സി. അംഗത്തെ നിയമിക്കാന് പോകുന്നു. മാധ്യമങ്ങളും സി.പി.എമ്മിന്റേയും സര്ക്കാരിന്റേയും രാഷ്ട്രീയ എതിരാളികളും കൂടി പാര്ട്ടി പി.എസ്.സി. അംഗത്തിന്റെ നിയമനം നടത്താന് പോകുന്നെന്ന തരത്തിലാണ് കോലാഹലം ഉണ്ടാക്കുന്നത്. അത്തരം കാര്യങ്ങളെക്കുറിച്ച് എനിക്ക് ഒരു അറിവുമില്ല. പാര്ട്ടി ജില്ലാ കമ്മിറ്റിക്കും അറിവില്ല.
അറിവുള്ള കാര്യത്തെക്കുറിച്ച് കൃത്യമായ വിശദീകരണം നല്കാറുണ്ട്. അറിവില്ലാത്ത കാര്യത്തെക്കുറിച്ച് ചോദിച്ചാല് ഞങ്ങള്ക്ക് പറയാന് കഴിയില്ല. എനിക്കും കഴിയില്ല. പാര്ട്ടി സഖാക്കള്ക്കും കഴിയില്ല. എന്തെങ്കിലും ഒരു കോലാഹലമുണ്ടാക്കി മുഹമ്മദ് റിയാസിനെ പാര്ട്ടി നേതൃത്വത്തിന്റെ ഭാഗമായ മുഹമ്മദ് റിയാസിനെയും പാര്ട്ടിയെയും സര്ക്കാരിനെയും കരിവാരി തേയ്ക്കാമെന്ന് ഉദ്ദേശിക്കുന്ന കുറച്ച് മാധ്യമങ്ങളും ചില രാഷ്ട്രീയ എതിരാളികളുമുണ്ടാകും.
അതൊന്നും നടക്കില്ല. അതിനെയെല്ലാം ശക്തമായി പ്രതിരോധിക്കും. എന്നാല്, ഇതുസംബന്ധിച്ച് ഒരു അറിവുമില്ല. തെറ്റായ പ്രവണതകള് ഏതെങ്കിലും പാര്ട്ടി പ്രവര്ത്തകന്റെ ഭാഗത്ത് നിന്നുണ്ടാകാന് പാടില്ലാത്തതാണ്. അങ്ങനെ ഒന്ന് ശ്രദ്ധയില്പ്പെട്ടാല് ഞങ്ങള് കര്ശനമായ നിലപാട് സ്വീകരിക്കും.വെറുതെ എന്തെങ്കിലും കോലാഹലമുണ്ടാക്കുക. ഞങ്ങള് ഇങ്ങനെ കെട്ടിപ്പുറപ്പെട്ട് ഇതിന്റെ പിന്നാലെ നടക്കുന്ന കൂട്ടരാണോ? മോഹനന് ചോദിച്ചു.