ഹൃദയാരോഗ്യത്തിന് ബെസ്റ്റാണ് മുളക്

മുളകില്‍ അടങ്ങിയിരിക്കുന്ന ക്യാപ്സൈസിന്‍ ദഹനത്തെ ഉത്തേജിപ്പിക്കുകയും ആമാശയത്തിലെ ആസിഡിന്റെ ഉത്പാദനം വര്‍ദ്ധിപ്പിക്കുകയും ചെയ്യുന്നു. മുളക് മെറ്റബോളിസം വര്‍ദ്ധിപ്പിക്കുകയും കലോറി എരിച്ചുകളയാന്‍ സഹായിക്കുകയും ചെയ്യുന്നു. 

രക്തയോട്ടം മെച്ചപ്പെടുത്തുകയും രക്തസമ്മര്‍ദ്ദം കുറയ്ക്കുകയും അതുപോലെ കൊളസ്‌ട്രോള്‍ കുറയ്ക്കുകയും ചെയ്യുന്നു. മുളകിലെ ക്യാപ്സൈസിന്‍ വേദന സംഹാരിയായി പ്രവര്‍ത്തിക്കുന്നു. ഇത് ശരീരത്തിലെ വേദന കുറയ്ക്കാന്‍ സഹായിക്കും. 

മുളകില്‍ ധാരാളം വിറ്റാമിനുകളും ആന്റി ഓക്‌സിഡന്റുകളും അടങ്ങിയിട്ടുണ്ട്. ഇത് ശരീരത്തിന്റെ രോഗപ്രതിരോധ ശേഷി വര്‍ദ്ധിപ്പിക്കാന്‍ സഹായിക്കുന്നു. മുളക് ചര്‍മ്മത്തിലെ ചുളിവുകള്‍ കുറയ്ക്കുകയും ചര്‍മ്മത്തെ കൂടുതല്‍ തിളക്കമുള്ളതാക്കുകയും ചെയ്യുന്നു. മുളകില്‍ അടങ്ങിയിരിക്കുന്ന വിറ്റാമിന്‍ എ കണ്ണിന്റെ ആരോഗ്യത്തിന് വളരെ നല്ലതാണ്. മുളകില്‍ കാല്‍സ്യം ധാരാളമായി അടങ്ങിയിട്ടുണ്ട്. ഇത് പല്ലുകള്‍ക്കും എല്ലുകള്‍ക്കും ബലം നല്‍കുന്നു.