ചെവിയിലെ പഴുപ്പ്, ഛര്‍ദ്ദി മാറാന്‍ കൂവളത്തില

കൂവളത്തിലയ്ക്ക് ധാരാളം ഔഷധഗുണങ്ങളുണ്ട്. പ്രത്യേകിച്ച് ദഹന സംബന്ധമായ പ്രശ്‌നങ്ങള്‍, ചെവിയിലെ പഴുപ്പ്, ഛര്‍ദ്ദി എന്നിവയ്ക്ക് ഇത് ഉപയോഗിക്കാം. ആയുര്‍വേദത്തില്‍ കൂവളത്തിന്റെ ഇല, വേര്, കായ് എന്നിവയെല്ലാം ഔഷധങ്ങള്‍ക്കായി ഉപയോഗിക്കുന്നു. ഇത് ദഹനസംബന്ധമായ പ്രശ്‌നങ്ങള്‍ക്ക് മാത്രമല്ല, പ്രമേഹം, വാതം, ക്ഷയം, കഫം തുടങ്ങിയ പല രോഗങ്ങളുടെ ചികിത്സയ്ക്കും ഉപയോഗിക്കാറുണ്ട്. 

കൂവളത്തിലയുടെ നീര് വയറിളക്കം, അമിതമായ ഛര്‍ദ്ദി തുടങ്ങിയ പ്രശ്‌നങ്ങളെ നിയന്ത്രിക്കാന്‍ സഹായിക്കും. കൂവളത്തിലയുടെ നീര് ചെവി വേദനയ്ക്കും ചെവിയിലുണ്ടാകുന്ന പഴുപ്പ് പോലുള്ള പ്രശ്‌നങ്ങള്‍ക്കും നല്ല ഔഷധമാണ്. ദശമൂലാരിഷ്ടം, വില്വാദിലേഹ്യം തുടങ്ങിയ ആയുര്‍വേദ ഔഷധങ്ങളില്‍ കൂവളത്തില ചേര്‍ക്കുന്നുണ്ട്.