തൃപ്പൂണിത്തുറയില്‍ പത്താംക്ലാസുകാരനെ പ്ലസ് ടു വിദ്യാര്‍ഥികള്‍ ചേര്‍ന്ന് ക്രൂരമായി മര്‍ദിച്ചു; മൂക്കിന്റെ അസ്ഥിയും പല്ലും ഇളകിയ വിദ്യാര്‍ഥി ചികിത്സയില്‍

കൊച്ചി: തൃപ്പൂണിത്തുറയില്‍ പത്താംക്ലാസുകാരനെ പ്ലസ് ടു വിദ്യാര്‍ഥികള്‍ ചേര്‍ന്ന് ക്രൂരമായി മര്‍ദിച്ചു. മര്‍ദനത്തില്‍ മൂക്കിന്റെ അസ്ഥിയിളകിയെന്നും പല്ല് ഇളകിയിട്ടുണ്ടെന്നുമാണ് വിവരം. 

വിദ്യാര്‍ഥി ആശുപത്രിയില്‍ ചികിത്സയിലാണ്. സംഭവത്തില്‍ അഞ്ച് പ്ലസ് ടു വിദ്യാര്‍ഥികള്‍ക്കെതിരേ തൃപ്പൂണിത്തുറ പോലീസ് കേസെടുത്തു. 

കഴിഞ്ഞ തിങ്കളാഴ്ച തൃപ്പൂണിത്തുറ ചിന്മയ വിദ്യാലയത്തിലാണ് സംഭവം.  കേസ്. ആക്രമണം നടത്തിയ നാല് പേരും പ്രായപൂര്‍ത്തിയാകാത്തവരാണ്. ഒരാള്‍ക്ക് 18 വയസ് പൂര്‍ത്തിയായിട്ടുണ്ട്. സംഭവത്തില്‍ പോലീസ് വിശദമായ അന്വേഷണം ആരംഭിച്ചു.