''വിരട്ടലും വിലപേശലും ഇങ്ങോട്ട് വേണ്ട, ഇത് പാര്‍ട്ടി വെറെയാണ്''  മലപ്പുറത്ത് അന്‍വര്‍ എം.എല്‍.എയ്‌ക്കെതിരേ ഫ്‌ളക്‌സ് ബോര്‍ഡ്.

മലപ്പുറം: പി.വി. അന്‍വര്‍ എം.എല്‍.എയ്‌ക്കെതിരേ ഫ്‌ളക്‌സ് ബോര്‍ഡ്. പി.വി. അന്‍വറിന്റെ നിലമ്പൂരിലെ വീടിന് മുന്നിലാണ് സി.പി.എം.  ഒതായി ബ്രാഞ്ചിന്റെ പേരില്‍ ഫ്‌ളക്‌സ് ബോര്‍ഡ് സ്ഥാപിച്ചത്. 

''വിരട്ടലും വിലപേശലും ഇങ്ങോട്ട് വേണ്ട, ഇത് പാര്‍ട്ടി വെറെയാണ്''എന്നാണ് ഫ്‌ളക്‌സ് ബോര്‍ഡില്‍ എഴുതിയിട്ടുള്ളത്. പിണറായി വിജയന്റെയും എം.വി. ഗോവിന്ദന്റെയും ചിത്രങ്ങളും സി.പി.എം. ഒതായി ബ്രാഞ്ചെന്നും ഫ്‌ളക്‌സ് ബോര്‍ഡിലുണ്ട്.

പി.വി. അന്‍വറിനെ പിന്തുണച്ചും മലപ്പുറം ടൗണില്‍ ഫ്‌ളക്‌സ് ബോര്‍ഡ് ഉയര്‍ന്നിട്ടുണ്ട്. ലീഡര്‍ കെ. കരുണാകരന്‍ ഫൗണ്ടേഷന്‍ സംസ്ഥാന കമ്മിറ്റിയുടെ പേരിലാണ് ഫ്‌ളക്‌സ് ബോര്‍ഡ് സ്ഥാപിച്ചത്.