/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/11/01/kKm2qxYpmwLL42erqVU3.jpg)
തേഞ്ഞിപ്പലം: കളിക്കുന്നതിനിടെ അബദ്ധത്തില്‍ ഒന്നരവയസുകാരിയുടെ തലയില്‍ സ്റ്റീല്‍ പാത്രം കുടുങ്ങി. ചേലേമ്പ്ര ഇടിമുഴിക്കല്‍ സ്വദേശികളായ ഉസ്മാന്‍-ആഷിഫ ദമ്പതികളുടെ മകള്‍ ഐസലിയുടെ തലയിലാണ് സ്റ്റീല്‍ പാത്രം കുടുങ്ങിയത്. തുടര്‍ന്ന് അഗ്നിരക്ഷാ സേനയെത്തി കുട്ടിയുടെ തലയില്‍നിന്ന് സ്റ്റീല്‍ പാത്രം ഊരിയെടുക്കുകയായിരുന്നു.
വ്യാഴാഴ്ച രാത്രി 8.30നാണ് സംഭവം.കുട്ടിയെ ഉടന്‍ കോഴിക്കോട് മീഞ്ചന്ത അഗ്നിരക്ഷാ നിലയത്തിലെത്തിച്ചു. ഒന്നരമണിക്കൂര്‍ നേരത്തെ പരിശ്രമത്തിനു ശേഷം തലയില്‍ നിന്നും സ്റ്റീല്‍ പാത്രം മുറിച്ചെടുത്ത് കുട്ടിയെ രക്ഷിക്കുകയായിരുന്നു.
സ്റ്റേഷന്‍ ഓഫീസര്‍ എം കെ പ്രമോദ് കുമാറിന്റെ നേതൃത്വത്തില്‍ സീനിയര്‍ ഫയര്‍ ആന്‍ഡ് റെസ്‌ക്യൂ ഓഫീസര്‍മാരായ എസ്.ബി. സജിത്, പി.എം. ബിജേഷ്, റെസ്‌ക്യു ഓഫീസര്‍മാരായ പി. അനൂപ്, എസ്. അരുണ്‍, എന്‍. സുബാഷ്, പി. ബിനീഷ്, ഫയര്‍ വുമണ്‍മാരായ സി.കെ. അശ്വനി, ബി. ലിന്‍സി, ഹോം ഗാര്‍ഡുമാരായ കെ.ടി. നിതിന്‍, കെ. വേലായുധന്‍, കെ. സത്യന്‍, കെ. സന്തോഷ് എന്നിവര്‍ രക്ഷാപ്രവര്‍ത്തനത്തില്‍ പങ്കെടുത്തു.