സ്‌ട്രോക്ക്; കാരണങ്ങള്‍

സ്‌ട്രോക്ക് ഉണ്ടാകുന്നത് തലച്ചോറിലേക്കുള്ള രക്തയോട്ടം തടസപ്പെടുമ്പോഴോ രക്തക്കുഴലുകള്‍ പൊട്ടി രക്തസ്രാവം ഉണ്ടാകുമ്പോഴോ ആണ്. ജീവിതശൈലിയിലെ തെറ്റായ ശീലങ്ങളായ പുകവലി, അമിതവണ്ണം, വ്യായാമമില്ലായ്മ, അമിതമായ മദ്യപാനം, അനാരോഗ്യകരമായ ഭക്ഷണം എന്നിവ പ്രധാന കാരണങ്ങളാണ്. അമിത രക്തസമ്മര്‍ദ്ദം, പ്രമേഹം, ഉയര്‍ന്ന കൊളസ്ട്രോള്‍, ഹൃദയ സംബന്ധമായ അസുഖങ്ങള്‍ എന്നിവയും സ്‌ട്രോക്ക് വരാനുള്ള സാധ്യത വര്‍ദ്ധിപ്പിക്കുന്നു. 

ഇസ്‌കെമിക് സ്‌ട്രോക്ക്: തലച്ചോറിലെ രക്തക്കുഴലുകളില്‍ രക്തം കട്ടപിടിക്കുന്നതുകൊണ്ട് ഉണ്ടാകുന്നതാണ് ഈതരം സ്‌ട്രോക്ക്. കൊഴുപ്പും കൊളസ്‌ട്രോളും അടിഞ്ഞുകൂടി ധമനികള്‍ ഇടുങ്ങിയതാകുകയും രക്തയോട്ടം തടയുകയും ചെയ്യുന്നതുമൂലം സ്‌ട്രോക്ക് ഉണ്ടാവാം. 

ഹെമറാജിക് സ്‌ട്രോക്ക്: തലച്ചോറിലെ രക്തക്കുഴലുകള്‍ പൊട്ടി രക്തസ്രാവം ഉണ്ടാകുമ്പോഴാണ് ഇത് സംഭവിക്കുന്നത്. അനിയന്ത്രിതമായ ഹൈപ്പര്‍ടെന്‍ഷന്‍ ഇതിന്റെ പ്രധാന കാരണമാണ്. 

അപകട സാധ്യത വര്‍ദ്ധിപ്പിക്കുന്ന ഘടകങ്ങള്‍

പുകവലി 
അമിതവണ്ണം 
വ്യായാമമില്ലായ്മ 
അമിതമദ്യപാനം 
അനാരോഗ്യകരമായ ഭക്ഷണക്രമം (കൂടുതല്‍ ഉപ്പ്, കൊഴുപ്പ്, കൊളസ്‌ട്രോള്‍) 
നിയമവിരുദ്ധമായ മയക്കുമരുന്ന് ഉപയോഗം 
ആരോഗ്യപരമായ കാരണങ്ങള്‍:
ഉയര്‍ന്ന രക്തസമ്മര്‍ദ്ദം (ഹൈപ്പര്‍ടെന്‍ഷന്‍) 
പ്രമേഹം 
ഉയര്‍ന്ന കൊളസ്‌ട്രോള്‍ 
ഹൃദയസംബന്ധമായ അസുഖങ്ങള്‍ (ഹൃദയമിടിപ്പ് ക്രമം തെറ്റുന്നത്, ഹൃദയവാല്‍വ് തകരാറുകള്‍) 
രക്തം കട്ടപിടിക്കുന്നതിലെ അപാകതയുള്ള രോഗങ്ങള്‍ (ഹെമറ്റോളജിക്കല്‍ ഡിസോര്‍ഡേഴ്‌സ്) 

സ്ത്രീകള്‍ ഗര്‍ഭനിരോധന ഗുളികകള്‍ സ്ഥിരമായി ഉപയോഗിക്കുന്നത് (പുകവലി പോലുള്ള മറ്റ് അപകട ഘടകങ്ങളുണ്ടെങ്കില്‍ സാധ്യത കൂടുതല്‍) 
കുടുംബപരമായി സ്‌ട്രോക്ക് വരുന്ന ചരിത്രം. 
ചിലപ്പോള്‍ പ്രായമായവരിലാണ് ഇത് സാധാരണെങ്കിലും ചെറുപ്പക്കാരെയും ഇത് ബാധിക്കാം.