സര്‍ക്കാരും സി.പി.എമ്മും ദിവ്യയെ സംരക്ഷിക്കുകയാണ്,  അഴിമതി പണത്തിന്റെ പങ്ക് പാര്‍ട്ടിക്കും ലഭിച്ചിട്ടുണ്ടെന്നതാണ് ദിവ്യയുടെ ധൈര്യം:  കെ. സുരേന്ദ്രന്‍

പാലക്കാട്: പി.പി. ദിവ്യയെ സംരക്ഷിക്കുന്നത് സി.പി.എം. സംസ്ഥാന നേതൃത്വമാണെന്ന് ബി.ജെ.പി. സംസ്ഥാന അധ്യക്ഷന്‍ കെ. സുരേന്ദ്രന്‍.

ദിവ്യക്കെതിരെ നടപടിയെടുത്താല്‍ എം.വി. ഗോവിന്ദനെയും അത് ബാധിക്കും. സര്‍ക്കാരും സി.പി.എമ്മും ദിവ്യയെ സംരക്ഷിക്കുകയാണ്.  അഴിമതി പണത്തിന്റെ പങ്ക് പാര്‍ട്ടിക്കും ലഭിച്ചിട്ടുണ്ടെന്നതാണ് ദിവ്യയുടെ ധൈര്യം.  

ദിവ്യക്കെതിരെ ലുക്ക് ഔട്ട് നോട്ടീസ് പുറപ്പെടുവിക്കണം. സി.പി.എം. നേതാവ് എന്‍.എന്‍. കൃഷ്ണദാസിന്റെ പട്ടി പരാമര്‍ശം പരിഷ്‌കൃത സമൂഹത്തിന് ചേര്‍ന്നതല്ല. കൃഷ്ണദാസ് പരാമര്‍ശം തിരുത്തി മാപ്പ് പറയണം. തരംതാഴ്ന്ന പ്രയോഗം പാര്‍ട്ടി തിരുത്തണമെന്നും അദ്ദേഹം പറഞ്ഞു.