സ്‌കൂളുകള്‍ കേന്ദ്രീകരിച്ച് ലഹരി വില്‍പ്പന:  മലപ്പുറത്ത് എം.ഡി.എം.എയുമായി  മൂന്ന് യുവാക്കള്‍ പിടിയില്‍

മലപ്പുറം: മലപ്പുറത്ത് എം.ഡി.എം.എയുമായി മൂന്ന് യുവാക്കള്‍ പിടിയില്‍. തിരുനാവായ സ്വദേശി മുഹമ്മദ് തന്‍സീഫ്, നിറമരുതൂര്‍ സ്വദേശി ജാഫര്‍ സാദിഖ്, താനാളൂര്‍ സ്വദേശി ഷിബില്‍ റഹ്മാന്‍ എന്നിവരെയാണ് അറസ്റ്റ് ചെയ്തത്.

ഇവരില്‍നിന്ന് 45 ഗ്രാം എം.ഡി.എം.എ. കണ്ടെടുത്തു. ബാംഗ്ലൂരില്‍ നിന്നാണ് ഈ സംഘം എം.ഡി.എം.എ. വില്‍പ്പനയ്ക്കായി എത്തിച്ചത്. തിരൂരിലെ കോളേജുകളെയും സ്‌കൂളുകളെയും കേന്ദ്രീകരിച്ച് വില്‍പ്പന നടത്താനാണ് രാസ ലഹരി കൊണ്ടു വന്നതെന്നാണ് നിഗമനം.