കാലിന്റെ തുടവേദനയ്ക്ക് കാരണങ്ങള്‍

കാലിന്റെ തുടയിലെ വേദനയ്ക്ക് പേശീ വേദന, ഉളുക്ക്, ഞരമ്പു സംബന്ധമായ പ്രശ്‌നങ്ങള്‍, സന്ധിവാതം, ഹെര്‍ണിയ തുടങ്ങിയ പല കാരണങ്ങളുണ്ടാകാം. വേദനയുടെ കാരണം തിരിച്ചറിയാന്‍ ഡോക്ടറെ കാണേണ്ടത് അത്യാവശ്യമാണ്. 

അമിതവ്യായാമം, പെട്ടെന്നുള്ള ചലനങ്ങള്‍, പേശികള്‍ക്ക് ക്ഷീണം എന്നിവ കാരണം പേശികള്‍ക്ക് പിരിമുറുക്കം വരികയോ പേശീ നാരുകളില്‍ ചതവോ സംഭവിക്കാം. നാഡികളില്‍ സമ്മര്‍ദ്ദം ഏല്‍ക്കുന്നത് പ്രത്യേകിച്ച് മെറല്‍ജിയ പരെസ്തറ്റിക്ക പോലുള്ള അവസ്ഥകളില്‍, തുടയില്‍ കത്തുന്ന വേദനയും മരവിപ്പും അനുഭവപ്പെടാം. 

സന്ധികളില്‍ ഉണ്ടാകുന്ന വീക്കം കാരണം വേദന വരാം. അടിവയറ്റിലെ ഹെര്‍ണിയ ചിലപ്പോള്‍ തുടയുടെ മുകള്‍ഭാഗത്ത് വേദനയും മുഴയും ഉണ്ടാക്കാം, പ്രത്യേകിച്ച് ഞരമ്പും തുടയും ചേരുന്ന ഭാഗത്ത്. തുടയിലെ പേശികള്‍ ദീര്‍ഘനേരം ഉപയോഗിക്കുന്നത് അല്ലെങ്കില്‍ വ്യായാമത്തിന് മുമ്പ് ശരീരം ചൂടാക്കാതിരിക്കുന്നത് ഇത്തരം പരിക്കുകള്‍ക്ക് കാരണമാകും.