ചുമ ജലദോഷം ശമിപ്പിക്കാന്‍ ഇരട്ടി മധുരം

ഇരട്ടി മധുരത്തിന് ചുമയും ജലദോഷവും ശമിപ്പിക്കുക, ദഹനപ്രശ്‌നങ്ങള്‍ പരിഹരിക്കുക, ത്വക്ക് രോഗങ്ങള്‍ ചികിത്സിക്കുക, മുടിയുടെ ആരോഗ്യം മെച്ചപ്പെടുത്തുക, ആമാശയത്തിലെ അള്‍സര്‍ ശമിപ്പിക്കുക, ശരീരത്തിലെ വീക്കം കുറയ്ക്കുക എന്നിങ്ങനെ നിരവധി ആരോഗ്യ ഗുണങ്ങളുണ്ട്. ഇത് ചര്‍മ്മ സൗന്ദര്യത്തിനും മുടിയുടെ വളര്‍ച്ചയ്ക്കും നല്ലതാണ്. 

ചുമ, ജലദോഷം, തൊണ്ടവേദന എന്നിവയ്ക്ക് പ്രതിവിധിയാണ് ഇരട്ടിമധുരം. ഇതിന്റെ കഷായം സേവിക്കുന്നത് തൊണ്ടയിലെ അസ്വസ്ഥതകള്‍ കുറയ്ക്കാന്‍ സഹായിക്കും.

വയറിളക്കം, ദഹനക്കേട് തുടങ്ങിയ പ്രശ്‌നങ്ങള്‍ക്ക് ഇരട്ടിമധുരം ഫലപ്രദമാണ്. ആമാശയത്തിലെ അള്‍സര്‍ ശമിപ്പിക്കാന്‍ സഹായിക്കും. ഇതിലുള്ള ആന്റി-ഇന്‍ഫ്‌ലമേറ്ററി ഗുണങ്ങള്‍ ശരീരത്തിലെ വീക്കം കുറയ്ക്കാന്‍ സഹായിക്കുന്നു.

ഇതില്‍ അടങ്ങിയിട്ടുള്ള ആന്റിഓക്സിഡന്റ്സ് ശരീരത്തിന്റെ പ്രതിരോധശേഷി വര്‍ദ്ധിപ്പിക്കുന്നു. അമിതമായ മദ്യപാനംമൂലമുണ്ടാകുന്ന ബുദ്ധിമുട്ടുകളെ പ്രതിരോധിക്കാന്‍ ഇരട്ടിമധുരം സഹായിച്ചേക്കാം.

മുഖക്കുരു, എക്‌സിമ, കരുവാളിപ്പ്, പാടുകള്‍ എന്നിവ കുറയ്ക്കാന്‍ ഇരട്ടിമധുരം ഫലപ്രദമാണ്. ഇത് ചര്‍മ്മത്തിന്റെ ഈര്‍പ്പം നിലനിര്‍ത്താനും സഹായിക്കുന്നു. മുടിയുടെ വളര്‍ച്ച കൂട്ടാനും താരന്‍, മുടി കൊഴിച്ചില്‍ എന്നിവ ശമിപ്പിക്കാനും ഇരട്ടിമധുരം സഹായിക്കും.