ഒരു സഹോദരി എന്ന നിലയിലാണ് അവരെ കണ്ടത്; പെരിയ കൊലക്കേസില്‍ പ്രതികളെ ജയിലില്‍ സന്ദര്‍ശിച്ച് പി.കെ. ശ്രീമതി

കണ്ണൂര്‍: ഒരു സഹോദരി എന്ന നിലയിലാണ് പെരിയ ഇരട്ടക്കൊലപാതകക്കേസില്‍ ശിക്ഷിക്കപ്പെട്ട പ്രതികളെ ജയിലില്‍ സന്ദര്‍ശിച്ചതെന്ന് സി.പി.എം. നേതാവ് പി.കെ. ശ്രീമതി. മാധ്യമങ്ങളോട് തികരിക്കുകയായിരുന്നു അവര്‍. 

''ഞാന്‍ ആരോഗ്യമന്ത്രിയായിരുന്നപ്പോള്‍ എം.എല്‍.എയായിരുന്നു കുഞ്ഞിരാമന്‍. മണികണ്ഠന്‍ ഉള്‍പ്പടെയുള്ള മറ്റ് എല്ലാവരെയും പാര്‍ട്ടി പ്രവര്‍ത്തനത്തിന്റെ ഭാഗമായി പരിചയമുണ്ട്. 

ആ നിലയ്ക്കാണ് ജയിലില്‍ എത്തിയത്. നാലുപ്രതികളുടെ ശിക്ഷാവിധി മരവിപ്പിക്കുമെന്നത് എല്ലാവരും പ്രതീക്ഷിച്ചതാണ്. മേല്‍ കോടതിയില്‍ നിന്ന് നീതികിട്ടുമെന്ന് പാര്‍ട്ടി സെക്രട്ടറി നേരത്തെ തന്നെ പറഞ്ഞിരുന്നു. 

പെരിയ കേസിലെ മുഴുവന്‍ പ്രതികളെയും കണ്ടു. ഇവരെ കാണരുതെന്ന് ആരും പറഞ്ഞിട്ടില്ല. നേരത്തെ എല്ലാ വര്‍ഷവും ക്രിസ്മസ് ദിവസം ഞാന്‍ ജയിലിലെത്തി പരാമവധി പ്രതികളെ സന്ദര്‍ശിക്കാറുണ്ടായിരുന്നു...'' - പി.കെ. ശ്രീമതി പറഞ്ഞു. മുന്‍ ജില്ലാ പഞ്ചായത്ത് പ്രസിഡന്റ് പി.പി. ദിവ്യയും ശ്രീമതിക്കൊപ്പമുണ്ടായിരുന്നു.