തൃശൂര്: കൊച്ചി മെട്രോ തൃശൂരിലേക്ക് നീട്ടാനുള്ള ശ്രമം തുടരുമെന്ന് ഇത് കഴിഞ്ഞ കുറച്ച് വര്ഷങ്ങളായി ലോക്നാഥ് ബഹ്റയുമായി സംസാരിക്കുന്ന കാര്യമാണെന്ന് തൃശൂര് എം.പി. സുരേഷ് ഗോപി. ഡല്ഹിയിലേക്ക് പോകുന്നതിന് മുമ്പായി തൃശൂരില് മാധ്യമങ്ങളെ കാണുകയായിരുന്നു അദ്ദേഹം.
അതിന് മുമ്പ് മുഹമ്മദ് ഹനീഷുമായി സംസാരിച്ചിരുന്നു. അതുകൊണ്ടാണ് അന്ന് അദ്ദേഹം തന്നെ അമ്പാസിഡറാക്കാന് നോക്കിയത്. അപ്പോ, ഇവിടുത്തെ ചില ആള്ക്കാര് അത് ചാണകമാകുമെന്ന് പറഞ്ഞു. ഇനി ഇപ്പോ പാര്ലമെന്റില് അവര് ചാണകത്തെ സഹിക്കട്ടെ.
തൃശൂര് പൂരത്തിന്റെ നടത്തിപ്പില് പുതിയ മാറ്റം കൊണ്ടുവരും. കമ്മീഷണറെയും കലക്ടറേയും ഒരുതരത്തിലും മാറ്റന് നിങ്ങള് അനുവദിക്കരുതെന്നും സുരേഷ് ഗോപി പറഞ്ഞു. പൂരനടത്തിപ്പിലെ മാറ്റം സംബന്ധിച്ച ഇന്നലെ കലക്ടറുമായി സംസാരിച്ചു.
തൃശൂരുകാര് എന്നെ തെരഞ്ഞെടുത്താല് തൃശൂരില് ഒതുങ്ങി നില്ക്കില്ലെന്ന് താന് നേരത്തെ പറഞ്ഞതാണ്. കേരളത്തിന് വേണ്ടിയും തമിഴ്നാടിന് വേണ്ടിയുമുള്ള എം.പിയായി ഞാന് പ്രവര്ത്തിക്കും. കര്ണാടകയില് അതിന്റെ ആവശ്യമില്ല. അവിടെ തന്നെക്കാള് നല്ല ആണ്കുട്ടികളുണ്ട്. കോണ്ഗ്രസിലെയും സി.പി.ഐയിലെയും സി.പി.എമ്മിലെയും മനുഷ്യരാണ് എനിക്ക്
വോട്ട് ചെയ്തത്. എസ്.ഡിപി.ഐയിലെയും മനുഷ്യര് എനിക്ക് വോട്ട് ചെയ്തിട്ടുണ്ട്. കപടതയില്ലാത്ത മതേതരവാദികളാണ് എന്നെ ജയിപ്പിച്ചതെന്നും സുരേഷ് ഗോപി പറഞ്ഞു.