മൂത്രമൊഴിക്കുമ്പോള്‍ വേദന, പുകച്ചില്‍; മൂത്രത്തില്‍ പഴുപ്പ്  ലക്ഷണങ്ങള്‍

മൂത്രത്തില്‍ പഴുപ്പ് (യൂറിനറി ട്രാക്റ്റ് ഇന്‍ഫെക്ഷന്‍) ഉണ്ടാകുമ്പോള്‍ പല ലക്ഷണങ്ങളും കാണപ്പെടുന്നു. 

മൂത്രമൊഴിക്കുമ്പോള്‍ ഉണ്ടാകുന്ന കഠിനമായ വേദന, പുകച്ചില്‍ അല്ലെങ്കില്‍ നീറ്റല്‍ എന്നിവ പ്രധാന ലക്ഷണമാണ്. അടിവയറ്റില്‍ വേദനയോ സമ്മര്‍ദ്ദമോ അനുഭവപ്പെടാം.

മൂത്രമൊഴിക്കാന്‍ തോന്നുമെങ്കിലും വളരെ കുറഞ്ഞ അളവില്‍ മാത്രം മൂത്രം പുറത്തുവരുന്നത് സാധാരണമാണ്. മൂത്രം മൂടിക്കെട്ടിയതോ രക്തം കലര്‍ന്നതോ ദുര്‍ഗന്ധമുള്ളതോ ആകാം. ചിലരില്‍ പനിയും വിറയലും അനുഭവപ്പെടാം. ചിലരില്‍ ഓക്കാനം, ഛര്‍ദ്ദി എന്നിവയും കാണപ്പെടുന്നു.